क्वालालम्पुर (मलेसिया) । गैरआवासीय नेपाली संघ (एनआरएनए) मलेसियाको २०२५–२०२७ कार्यकालका लागि हुने नवौं अधिवेशनमा युवा व्यवसायी तथा समाजसेवी विनोद कुमार यादवले उपाध्यक्ष पदमा उम्मेदवारी दिएका छन्।
बारा जिल्ला कलैया घर भई हाल मलेसियामा व्यवसाय गर्दै आएका यादव व्यवसायसँगै सामाजिक क्षेत्रमा समेत सक्रिय रहँदै आएका छन्। उम्मेदवारी घोषणा गर्दै उनले सामाजिक संघ–संस्थासँग प्रत्यक्ष जोडिन पाउने र समुदायको हितमा काम गर्ने अवसरकै कारण चुनावी प्रतिस्पर्धामा उत्रिएको बताए।
मलेसियामा विभिन्न सामाजिक गतिविधिमा प्रत्यक्ष तथा अप्रत्यक्ष रूपमा योगदान पुर्याउँदै आएका यादवलाई उपाध्यक्ष पदका लागि उदीयमान नेतृत्व क्षमता बोकेको दाबेदारका रूपमा हेरिएको छ।
यस्तै, यादव हाल नेपाली समाजका अध्यक्षसमेत रहेका छन् भने नेपालमा जनता समाजवादी पार्टी, नेपाल प्रवास विशेष प्रदेश समितिका सदस्यको जिम्मेवारी पनि सम्हालिरहेका छन्।
