वीरगंज। मानवसेवा आश्रम वीरगञ्जमा आश्रित ४८ जना वृद्ध आमाहरूको स्त्रीरोगसम्बन्धी स्वास्थ्य परीक्षण गरिएको छ ।
- Advertisement -
सामाजिक उत्तरदायित्व अन्तर्गत आयोजित यस विशेष शिविरमा वीरगञ्जकी वरिष्ठ स्त्रीरोग विशेषज्ञ डा. मञ्जु रायले स्वास्थ्य परीक्षण गरेकी थिइन् ।
स्वास्थ्य परीक्षणमार्फत वृद्ध आमाहरूको स्वास्थ्य अवस्था मूल्याङ्कन गरी आवश्यक परामर्श तथा उपचारका लागि सिफारिस गरिएको आश्रमकी प्रमुख मुना मगरले जानकारी दिइन् ।
डा. रायले आमाहरूको स्वास्थ्यप्रति चिन्ता व्यक्त गर्दै स्वास्थ्य समस्याहरूको समयमै पहिचान र उपचारका लागि निरन्तर साथ र सहयोग गर्ने प्रतिबद्धता व्यक्त गरिन् ।
आश्रमकी संयोजक मुना मगरका अनुसार यस्ता स्वास्थ्य परीक्षण कार्यक्रमहरू आगामी दिनहरूमा पनि निरन्तर सञ्चालन गरिनेछ ।
