पाेखरिया । रेडियो पोखरिया १०५.८ मेघाहर्ज पाेखरियाकाे आयोजनामा होली मिलन तथा मटका फोर कार्यक्रम विहिवार भव्य रुपमा सम्पन्न भएकाे छ ।
पोखरिया नगरपालीका वडा नम्बर ४ को पोखरिया बजार स्थित बस स्टेनमा भएकाे कार्यक्रमकाे उद्घाटन पोखरिया नगरपालीकाका नगर प्रमुख प्रदुमन प्रसाद चौहानले गरेका थिए । कार्यक्रमकाे उद्घाटन गर्दै मेयर चाैहान हाेलीकाे अवसरमा गरिने याे कार्यक्रमलाई निरन्तरता दिनु पर्ने वताए ।
कार्यक्रमका प्रमुख अतिथी समेत रहेका मेयर चाैहानले हाेली आपसी सदभाव र भाइचाराकाे पर्व भएकाे वताउँदै यसले समाजिक एकता कायम गर्न सहयाेग पुग्ने पनि विश्वास व्यक्त गरे ।
हाेलीकाे अवसरमा भएकाे मटका फाेर कार्यक्रममा स्थानिय ५१ जनाले भाग लिएका थिए । भाग लिएका मध्ये २२ जनाले मटका फोरेका थिए । मटका फोरी विजयी भएका सहभागीहरुलाई स्प्राईट, कोकाकोला, फेन्टा, अविर, गडी, छोहारा, बदामले लगायतका सामग्रीले कार्यक्रममा अतिथीहरुले पुरस्कृत गरेका थिए ।
रेडियो पोखरियाका अध्यक्ष छठु साहको अध्यक्षतामा भएको कार्यक्रममा पाेखरिया नगरपालिकाका पूर्व मेयर दिपनारायण राैनियार, पूर्व उप मेयर सल्मा खातुन, समाजसेवी रुपेश पाण्डेय, पाेखरिया ४ का वडाध्यक्ष लक्ष्मण साह कानु, माओबादी केन्द्र पोखरिया नगर कमिटीका अध्यक्ष पन्नालाल पटेल, स्थानिय महिला नेतृ आसा देवी चौहान, समाज सेवी गोबर्धन यादव, नेकपा एमाले पोखरिया नगर कमीटी सचिव सन्तोष गिरी, युवा संघका केन्द्रिय सदस्य कौशल साह गोढ, रेडियाे पाेखरियाका प्रबन्ध निर्देशक शम्भु कुमार सुमन, पत्रकार धरमेन्द्र प्रसाद यादव, मुस्तुफा आलम, गायक सुदिप चौरसिया लगायत रेडियो पोखरियामा कार्यरत कर्मचारीहरुको सहभागीता रहेको थियाे । कार्यक्रमको सहजीकरण पत्रकार धरमेन्द्र चौरसियाले गरेका थिए ।
