वीरगंज । प्याब्सन पर्साद्वारा आयोजित ईन्टर स्कुल जुनियर फुटबल प्रतियोगितामा आइतबार भएकाे खेलमा नवदीप र लिटिल फ्लावर विद्यालयले जित हासिल गर्दै फाइनलमा स्थान बनाएका छन् ।
पहिलो खेलमा ज्ञानज्योति स्कुल र नवदीप एकेडेमीबीच भएको प्रतिस्पर्धामा नवदीपले ३–० को जित निकाल्यो । नवदीपका आर्यन कुशवाहा उत्कृष्ट प्रदर्शन गर्दै प्लेयर अफ द म्याच घोषित भए ।
दोस्रो खेलमा ठोरी र लिटिल फ्लावर भिडेका थिए, जहाँ लिटिल फ्लावरले ३–० को जित निकाल्दै फाइनलमा स्थान बनाएको हो । लिटिल फ्लावरका करण मण्डल उत्कृष्ट खेल प्रदर्शन गर्दै प्लेयर अफ द म्याच बने ।
आइतबारकाे खेलका विजेताहरु लिटिल फ्लावर र नवदीप एकेडेमीले उपाधिका लागि भिडन्त पक्का गरेका हुन् । विपद् व्यवस्थापन गुल्म वीरगञ्जको खेलमैदानमा साेमबार फुटबलको फाइनल खेल हुने प्याब्सन पर्साका सचिव अशोक संग्रौलाले जानकारी दिए ।
