वीरगंज । पर्साकाे जगरनाथपुर गाउँपालिका वडा नं. ५ मधुवाहा टाेलमा काेल्ड स्टाेर निर्माण हुने भएकाे छ । रु ७९ लाख ३६ हजारकाे लागतमा निर्माण हुने काेल्ड स्टाेरकाे शुक्रबार गाउँपालिका अध्यक्ष श्रीकान्त प्रसाद यादवले शिलान्यास गरेका छन् ।
काेल्ड स्टाेरकाे शिलान्यास गर्दै गाउँपालिका अध्यक्ष यादवले ठेक्दारलाई समय मै निर्माण कार्य पुरा गर्न निर्देशन दिए । उनले काेल्ड स्टाेर निर्माणले जगरनाथपुर गाउँपालिका लगायत यस क्षेत्रकाे कृषकहरु लभान्वित हुने वताए ।
संघ सरकारकाे सहयाेगमा गाउँपालिकाले काेल्ड स्टाेर निर्माण गर्न लागेकाे प्रमुख प्रशासकिय अधिकृत कृष्णनन्दन रायले जानकारी दिए ।
यसैगरी जगरनाथपुर गाउँपालिका कै वडा नं. ४ साेहपुरस्थित सार्वजनिक जग्गामा पाेखरी खन्न लागिएकाे छ । दुई विग्हा सार्वजनिक जग्गा खन्न लागिएकाे पाेखरियाकाे पनि गाउँपालिका अध्यक्ष यादवले शिलान्यास गरेका हुन् ।
साे अवसरमा प्रमुख प्रशासकिय अधिकृत कृष्ण नन्दन राय, जगरनाथपुर गाउँपालिका वडा नं. ३ का वडाध्यक्ष सुबाष यादव, वडा नं. ५ बिहारी महताे नुनिया लगायतकाे उपस्थिती रहेकाे थियाे ।
