वीरगंज । पर्साकाे बिन्दवासिनी गाउँपालिका वडा नं.-४ अमरपट्टी र मधवलमा मंगलबारदेखि महिला हिंसा सम्बन्धी ६ दिने जनचेतना मुलक कार्यक्रम सुरु भएकाे छ । अमरपट्टी र मधवलमा छुट्टा छुट्टै सुरु भएकाे कार्यक्रमको वडाध्यक्ष अनोज कुमार चौरसियाले उद्घाटन गरेका हुन् ।
उद्घाटन कार्यक्रमलाई सम्बाेधन गर्दै वडाध्यक्ष चौरसियाले सहभागीहरुले ६ दिन सम्म चल्ने यस कार्यक्रमबाट सिखेका कुराहरु ब्यवहारमा उतार्ने वताए । साथै छरछिमेकका महिला दिदिबहिनिहरुमा महिला हिंसा हुन नदिने बारे जनचेतना दिनु पर्ने उनले सुझाव समेत दिए ।
समाजिक बिकाश शाखा प्रमुख नरेश चौहानले बढ्दो महिला हिंसा न्युनिकरणमा यो कार्यक्रमले सहयोग पुग्ने तथा न्यून हुने कुरामा आफु बिस्वस्त रहेको बताए ।
वडाध्यक्ष चौरसियाको अध्यक्षतामा सम्पन्न उद्घाटन कार्यक्रममा वडा सदस्यहरु मुकेश प्रसाद साह कानु, हरेन्द्र प्रसाद चौरसिया, महिला वडा सदस्य सकिना खातुन, दलित महिला बडा सदस्य सुरसती देवी तत्विन, वडा सचिव रामाधार चौरसिया, नेपाली काँग्रेस वडा नं.-४ का बुथ सभापति रामबेलाश चौरसिया लगायतको उपस्थितिमा रहेकाे थियाे ।
