वीरगंज । पर्साका प्रमुख जिल्ला अधिकारी गणेश अर्यालले बहुदरमाई नगरपालिकाकाे शिक्षक/कर्मचारीको तलब भत्ता भुक्तानीको
व्यवस्था गर्न आग्रह गरेका छन् ।
प्रमुख जिल्ला अधिकारी अर्यालले आइतबार एक पत्र लेख्दै विगत ६ महिनादेखि तलब भत्ता नपाएका शिक्षक/कर्मचारीकाे तलब भत्ता भुक्तानीकाे व्यवस्था गर्न नगर प्रमुख सिंगासन साह तेलीलाई आग्रह गरेका हुन् । अधिकारी अर्यालले नगर प्रमुख तेलीलाई लेखेकाे पत्र गृह मन्त्रालय र संघिय मामिला तथा सामान्य प्रशासन मन्त्रालयलाई समेत वाेधार्थ गरिएकाे छ ।
लामाे समय सम्म बहुदरमाई नगरपालिकाकाे समस्या समाधान नहुँदा अधिकारी अर्यालयले लिखित रुपमै कर्मचारीकाे तलब भत्ता भुक्तानी गर्न, जाडोयाममा विपद् व्यवस्थापनसँग सम्बन्धित कार्य अगाडी बढाउन तथा विधार्थीहरुको दिवाखाजा लगायतका शैक्षिक कृयालापहरु नियमित रुपमा अगाडी बढाई पठनपाठन सहज बनाउन आग्रह गरेका हुन् ।
बहुदरमाई नगरपालिका अन्तर्गत कार्यरत शिक्षक, स्वास्थ्यकर्मी लगायतका कर्मचारीहरुले विगत ६ महिनादेखिको तलब भत्ता पाउन सकेका छैनन् । नयाँ आर्थिक मसान्त सुरु भएदेखि नै नगरपालिका अन्तर्गतका कर्मचारीहरु तलब भत्ता नपाएपछि आवश्यक सहजीकरणका जिल्ला प्रशासन कार्यालयमा समेत त्यहाँ केही व्यक्तिहरुले निवेदन, ज्ञापनपत्र र ध्यानाकर्षण पत्र बुझाएका थिए ।
साे विषयमा नगर प्रमुख लगायत जिम्मेवार पदाधिकारीहरुसँग विभिन्न मितिमा जिल्ला प्रशासन कार्यालयमा छलफल समेत भइसकेकाे छ ।
जाडोयाममा नागरिकहरु शितलहरबाट प्रभावित हुन सक्ने सम्भावना समेतलाई मध्यनजर गरी मिति २०८१-०८-१६ मा भएको जिल्ला विपद् व्यवस्थापन समितिको बैठकबाट समेत यस विषयमा नगरपालिका जिम्मेवार व्यक्तिहरुकाे ध्यानाकर्षण गराईएको जिल्ला प्रशासन कार्यालयले जनाएकाे छ ।
जिल्ला प्रशासनले जनाए अनुसार नगरपालिकाको नगरसभा सम्पन्न भएको तर सभाबाट पारित निर्णयहरु प्रमाणिकरण गर्ने, अख्तियारी प्रदान गर्ने र खाता संचालन जस्ता प्रकृयागत विषयहरु अगाडी नबढेका कारण वजेट कार्यान्वयनको सुरुवाति चरण अवरुद्ध भएको छ ।
शिक्षकहरुले तलब नपाएका, विधार्थीहरुको दिवाखाजा लगायतका विषयहरु र अन्य शैक्षिक/अतिरिक्त क्रियाकलापहरु रोकिन पुगेको देखिन्छ । यिनै विषयहरु तथा नगरपालिकाको आन्तरिक अवस्थालाई इंगित गर्दै विभिन्न समयका धर्ना, विरोध प्रदर्शन जस्ता कृयाकलापहरु पनि भए गरेका देखिन्छ र सो सन्दर्भमा भएका अवाञ्छित क्रयाकलापहरुका वारेमा जिल्ला प्रहरी कार्यालयबाट अनुसन्धान कार्य समेत भइरहेको जिल्ला प्रशासन कार्यालयले जनाएकाे छ ।
यसरी लामो समय देखि राष्ट्रसेवकहरुले नियमित रुपमा कार्यसम्पादन गरिरहेका तर काम गरेवापत पारिश्रमिक नपाएका, शितलहरबाट नागरिकहरु प्रभावित वनेका, विद्यार्थीहरु राज्यद्वारा प्रदत दिवाखाजाको सुविधावाट वञ्चिच भएका छन भने शिक्षा शिक्षा, स्वास्थ्य र विपद् व्यवस्थापनसँग सम्बन्धित अन्य कृयाकलापहरु समेत प्रभावित हुन पुगेका छन ।
यी विषयहरु आफैमा संवेदनशील विषय रहेका र प्रकरान्तमा जिल्लाको शान्ति सुरक्षासँग सम्बन्धित रहेको तथ्य निर्विवाद छन । नगरपालिकाको तर्फबाट यी विषयहरुमा तत्काल सहजीकरण नभए स्थिति थप जटिल बन्न जाने देखिएको छ ।
तर त्यँही नगरपालिका संघिय मामिला तथा सामान्य प्रशासन मन्त्री समेह हुँदा नगरपालिकाकाे समस्या समाधान हुन सकेकाे छैन् । केही दिन पहिला मात्र विद्यार्थीहरुद्वारा नगरपालिका कार्यालयमा भएकाे ताेडफाेड तथा आगजानीमा एक कराेड जतिकाे क्षति भएकाे थियाे । तै पनि हाल सम्म त्यहाँकाे समस्या समाधान हुन सकेकाे छैन ।
