ओमप्रकाश चाैधरी /
सेढवा । अहिले दिनहु बढ्दै गएका जाडो तथा शितलहरका कारण पर्साका अधिकांश सामुदायिक बिद्यालयहरु बन्द हुन थालेका छन । जिल्लाको जगरनाथपुर, छिपहरमाई, बिन्दवासिनी, सखुवाप्रसौनी, कालिकामाई, धाेबिनी गाउँपालिकाले सूचना निकाल्दै बिद्यालयमा सार्वजनिक बिदा दिएका छन ।
त्यस्तै पर्सागढी, पोखरिया, बहुदरमाई नगरपालिकाले पनि शितलहर तथा जाडोका कारण बिद्यार्थीहरुको स्वास्थ्यमा नकारात्मक प्रभाव पर्ने जोखिम बढेकोले बिद्यालयमा बिदा दिएका सूचना मार्फत जानकारी गराएका छन ।
यता बीरगंज महानगरपालिका, जिराभवानी, ठोरी र पटेर्वासुगौली गाउँपालिकामा रहेका सामुदायिक बिद्यालयहरु संचालनमा रहेका छन । बढ्दाे शितलहर र जाडाेका कारण बिशेष गरि बालबालिका र जेष्ठ नागरिककाे जनजिवन कष्ठकर भएकाे छ ।
