-ओमप्रकाश चाैधरी/
सेढवा । कृषि कार्यका लागि उत्पादन भएका बिभिन्न आधुनिक मेशिन तथा औजारका कारण किसानहरुलाई खेतीपाती गर्न सहज भएका छन । तर कृषिमै आधारित ज्यामीहरुको पेशा भने संकटमा परेका छन ।
खेतीपातीका लागि खनजोत गर्न ट्याक्टरको प्रयोग गरी फाली तथा रोटाभेटर लगायतका मेशिनहरुको प्रयोजन हुन थालेका छन । जसले गर्दा कम समय तथा कम खर्चमा धेरै जमिनलाई खनजोत गर्ने सजिलो भएका छन । तर सो मेशिन तथा औजारको प्रयोग भएसंगै किसानहरुले गोरु पाल्न बन्द गरेका छन भने हलो लोप नै भएका छन । किसानहरूले बस्तुभाव पाल्न छोडेपछि गाईबस्तुबाट पाइने गोबर तथा मलमुत्रबाट तैयार हुने कम्पोष्ट मलको प्रयोग बालीमा एकदमै न्यून भएका छन ।
बाली भित्रियाउन हार्भेस्टर मेशिन तथा बाली काट्न रिपर तथा दाई गर्न थ्रेसर प्रयोग हुन थालेपछि किसानहरुलाई सहज भएका छन । एक बिघा धानबाली एक घण्टामै कटानी गरी दाई गर्न सक्ने हार्भेस्टर मेशिनका कारण किसानहरुले कम समय र कम खर्चमा बाली भित्रियाउने भएका पटेर्वासुगौली गाउँपालिकाका किसान भागवत चौधरीले बताए ।
एक बिघा बाली काट्न र दाई गर्न दुई क्वीन्टल धान वा पाच देखि ६ हजार रुपैया मात्र खर्च गर्नु परेको किसान चौधरीले बताए । सोही एक बिघा धानबाली कटानी गरी थ्रेसरले दाई गर्दा कमतीमा २० जना ज्यामी खटाउनु पर्ने र दाई गर्नका लागि प्रयोग गरिने थ्रेसरलाई समेत भाडा दिनु पर्ने किसान चौधरीको भनाई रहेका छन ।
यस कार्यका लागि कमसेकम १५ हजार रुपैया खर्च गर्नु पर्ने किसान चौधरीको भनाई रहेका छन । यसका साथै बजारमा आएका बिभिन्न किसिम्मका किटनाशक औषधीका कारणले पनि खेतिपातीमा ज्यामीहरुको कटौती भएका छन । धान तथा अन्य बालीमा किटनाशक औषधीको प्रयोग गर्दा बालीमा अन्य झारपात न उम्रिने, उम्रिए पनि मर्ने हुँदा गोडमेल गर्न ज्यामीहरुको आवश्यक्ता नपर्ने भएका जिराभवानी गाउँपालिका वडा नं २ सेढवाका किसान अमृत चौधरीले बताए ।
जिराभवानी गाउपालिका वडा नं ५ का कृषिका लागि मजदुरका कार्य गर्दै आएका नमी माझी मुस्हरका अनुसार कृषि कार्यमा काम पाउन कमी भएको बताए । खेतीका लागि किसानहरु अकलझुकल काममा लगाउने गरेको मुस्हरको भनाई छ । आली बाध्न, बिऊ छर्न, बीऊ उखेल्न तथा बर्षातको बेला बाली कटानी गर्नका लागि काममा खटाउने गरेको मजदुर मुस्हरले बताए ।
सोही कारणले गाँउघरमा छाक टार्न समस्या भएकाले अधिकांश मजदुर तथा मजदुरका सन्तान रोजगारीका लागि छिमेकी मुलुक भारतका बिभिन्न राज्यमा जाने गरेका मजदुरहरुले गुनासो गरे । जिराभवानी गाउँपालिका वडा नं ४ सुपौलीका किसान ब्रिजलाल पञ्जियारका अनुसार दलित तथा मजदुरहरुबाट ज्यालादारीकै भरमा परिवार पाल्दै आएका हुँदा किसानहरुले बिशेष ध्यान दिनु आवश्यक रहेको बताए ।
ज्यामीहरुलाई कामको आवश्यकता रहेका कारण कृषि परियोजनका आधुनिक मेशिकको प्रयोग नगरेको पञ्जियारले बताए । बालीको गोडमेल, बाली भित्रियाउन मेशिनको प्रयोग नगरी ज्यामीहरुलाई खटाउने गरेको किसान पञ्जियारले बताए ।
