वीरगंज । पर्साकाे कालिकामाई गाउँपालिकाकाे १० औं गाउँ सभा सम्पन्न भएकाे छ । गाउँपालिका अध्यक्ष बशिष्ट कुमार गुप्ताकाे अध्यक्षतामा भएकाे गाउँ सभाकाे बहुमत सदस्यले रु ३४ कराेड ८३ लाख १७ हजार ७ सय ४० बराबरकाे बजेट पारित गरेका छन् ।
गाउँ कार्यपालिकाकाे कार्यालय हरिहरपुर विर्तामा आइतबार भएकाे गाउँ सभामा सुरुमा बहुमत सदस्यले हस्ताक्षर गरेकाे म्यानुट वडा नं. २ का वडाध्यक्ष साेनालाल चाैरसियाले च्यातेका थिए । त्यसपछि पनि लेखिएकाे अर्काे म्यानुट गाउँपालिकाकी उपाध्यक्ष राजमती बरैनीले च्यातेकी थिइन ।
त्यसपछि पनि गाउँपालिका अध्यक्ष गुप्ताले गाउँ सभाकाे बैठक जारी राखेपछि गाउँ सभाकाे विराेधमा रहेका उपाध्यक्ष सहितका केही गाउँ सभा सदस्यहरुले सभाहलबाट बाहिर निस्केका थिए । त्यसपछि बाकी रहेकाे गाउँ सभाकाे बहुमत सदस्यले आर्थिक बर्ष २०८१/०८२ काे बजेट पारित गरेकाे गाउँपालिका अध्यक्ष गुप्ताले जानकारी दिए ।
उनका अनुसार पारित बजेटमा चालुगत तर्फ रु ६ कराेड ४० लाख र पुंजिगत तथा सशर्त तर्फ रु २८ कराेड ४३ लाख रहेकाे छ । चालुगत तर्फकाे बजेटमा वडा स्तरिय याेजनाकाे लागि रु ८० लाख, उपाध्यक्ष स्तरिय याेजनाकाे लागि रु एक कराेड ४० लाख र गाउँपालिका स्तरिय याेजनाकाे लागि रु २ कराेड १० लाख छुट्याइएकाे छ ।
