वीरगंज । नेपाल इन्जिनियरर्स एशाेसिएसन मधेश प्रधेशकाे सभापतिमा गाैरी पंडित विजयी भएका छन् । स्वतन्त्र प्यानल बनाएर चुनाव लडेका पंडित नेपाली कांग्रेस निकट सिडिइएनका उम्मेदवार अजित कुमार यादवलाई ४ मतले हराउँदै विजयी भएका हुन् ।
शनिबार सांझ सम्पन्न मतगणना नतिजा अनुसार पंडितले ३५९ मत पाउँदा उनकाे निकटतम् प्रतिस्पर्धी सिडिएनका यादवले ३५५ मत पाएका थिए । सभापतिका लागि अरु प्रतिस्पर्धी सिके समुहबाट दिपेन्द्र कुमार साह, नियाेनसिएनबाट रामनारायण यादव र सिएनबाट राजेश यादव उम्मेदवार थिए ।
जनमत पार्टी र नेकपा एमाले निकटका संगठनहरु गठबन्धन गरेर चुनावी प्रतिस्पर्धामा भाग लिएका थिए । त्यसैगरी नेकपा माओवादी केन्द्र र नेकपा एकीकृत समाजवादी निकटका संगठनहरु पनि गठबन्ध गरेका थिए । कांग्रेस र जसपा निकटका संगठनहरु एकलै चुनाव लडेका थिए । यी सबै दल निकटका संगठन र गठबन्धका उम्मेदवारहरुलाई हराउँदै स्वतन्त्र उम्मेदवार पंडित विजयी भएका हुन् ।
एशाेसिएसनकाे मधेश प्रदेश उपसभापतिमा सिडिइएनबाट भवेश मिश्रा, सचिवमा स्वतन्त्र प्यानलका अजित कुमार मण्डल, सह सचिवमा सिडिइएन कै सफल कुमार साह र काेषाध्यक्षमा सिडिइएन कै उदिल कुमार यादव वजयी भएका छन् ।
यसैगरी एशाेसिएसनका सदस्यमा सिडिइएनका मनिषा कुमारी कर्ण, रुपेश कुमार यादव, दिपेश कुमार यादव, राजन झा, दिकेश कुमार यादव, प्रेम चन्द्र यादव, रामशरण कुमार यादव, स्वतन्त्र प्यानलका अर्चना यादव, मनाेज कुमार साह, अरबिन्द कुमार महताे, सिके ग्रुपका बलिराम साह, शक्ति कुमार साह, संजय कुमार साह र एनइओएनका नवराज यादव, अजय कुमार यादव वजयी भएका छन् ।
यसैगरी प्रदेशकाे केन्द्रिय सदस्यमा स्वतन्त्र प्यानलका तेजनारायण यादव विजयी भएकाे निर्वाचन समितिले जनाएकाे छ ।
