वीरगंज । पर्साकाे जगरनाथपुर गाउँपालिका वडा नं. ५ मसिहानीमा ऋषिपंचमिको अवसरमा आमासंग नदिमा नुहाउन गएका दुई बालककाे डुबेर मृत्यु भएकाे छ ।
मसिहानीस्थित सिर्सा खोलामा आमासंगै नुहाउन गएका भारत बिहार बन्कटवाका अनरजित पटेलको छोरा ८ बर्षिय अभिषेक पटेल
र भारत बिहार कै सिक्टाका बृजेश ठाकुरको छोरा १० बर्षिय गुल्सन ठाकुरकाे डुबेर मृत्यु भएकाे स्थानियहरुले वताएका छन् ।
स्थानियका अनुसार मृतक दुबै बालक हाल मसिहानीस्थित मामा घर बस्दै आएका थिए । मृतक बालक अनरजित मसिहानी स्थित रामनाथ पटेल र अर्का मृतक बालक गुल्सन मसिहानी स्थित नै रामायण ठाकुर हजामकाे घरमा बस्दै आएका थिए ।
दुबै बालकहरु रक्षाबन्धनमा आमाहरुसंगै मसिहानी आएका थिए । त्यति खेरदेखि नै मसिहानी मै उनीहरु बस्दै आएका थिए ।
मसिहानीस्थित माईतिघर आएकी रन्जिता देवी पटेल र गान्धी देवी ठाकुरसंगै आइतबार दिउसाे दुई बजे ऋषिपंचमिको अवसरमा दुबै बालक गाउँ कै नदीमा नुहाउन गएका थिए । नुहाउने क्रममा दुबै बालककाे खोलामा डुबेर मृत्यु भएकाे स्थानियहरुकाे खबर पश्चात इलाका प्रहरी कार्यालय पाेखरियाका प्रहरी निरिक्षक राजन ढकाल नेतृत्वकाे प्रहरी टाेली पुगेकाे थियाे ।
स्थानियहरु मृत अवस्थामा दुबै बालकहरुलाई दिउसाे ३;४० बजे खोलाबाट आफै निकालि प्रहरीलाई खबर गरेकाे प्रहरी निरिक्षक ढकालले वताए । दुबै शव पोस्टमार्टमको लागी नारायणी अस्पताल पठाई घटना बारे थप अनुसन्धान भइरहेकाे प्रहरी निरिक्षक ढकालले जानकारी दिए ।
