वीरगंज । नेपाल प्रेस युनियन पर्साको ११ औं वार्षिक साधरणसभा यहि भदौं २८ गते हुने भएको छ । वीरगन्जमा शनिबार बसेको प्रेस युनियन पर्साको बैठकले भदौं २८ गते वीरगन्जमा साधरणसभा गर्ने निर्णय गरेको हो ।
यस्तै बैठकले केन्द्रि कार्यसमितिको निर्देशन अनुसार साधरणभाकै दिन नेपाल पत्रकाार महासंघको निर्वाचनका लागि युनियन पर्साको जिल्ला भेला आयोजना गर्ने निर्णयपनि गरेको युनियन पर्साका उपाध्यक्ष अलीअसगर देवानले जानकारी दिए । यसका साथै बैठकले युनियन पर्साका उपाध्यक्ष देवानकै संयोजकत्वमा ५ सदस्यिय साधरणसभा तयारी समितिपनि गठन गरेको छ । समितिको सदस्यहरुमा कपिलदेव यादव, सन्जय गुप्ता, जंगबहादुर पटेल र हुकुमसिंह राजपूत रहेका छन् ।
बैठकले साधरणसभाका लागि केन्द्रिय प्रतिनिधी माग गर्ने तथा यसअघिको युनियनको जिल्ला अधिवेशनमा छुटेका सदस्यहरुलाई समेट्ने निर्णयपनि गरेको उपाध्यक्ष देवानले बताए ।
प्रेस युनियन पर्साका अध्यक्ष विजय चौहानको अध्यक्षतामा बसेको बैठकमा उपाध्यक्षद्वय क्रान्ति शाह र अलीअसगर देवान ,कोषाध्यक्ष कपिलदेव यादव ,सदस्यहरु राकेश चौरसिया, नूर आलम, हुकुमसिंह राजपुत, जंगबहादुर पटेल, ओमप्रकाश चौधरी, सन्जय गुप्ता लगायतको सहभागीता थियो ।
