शैलेश गुप्ता/
पाेखरिया । पर्साकाे पोखरिया नगरपालिकाकाे आयोजनामा बुधबार तीज विशेष कार्यक्रम सम्पन्न भएकाे छ। पोखरिया नगरपालिकाकाे वडा नम्बर ४ का वडाध्यक्ष लक्ष्मण साह कानको अध्यक्षतामा भएकाे कार्यक्रमकाे उद्घाटन पोखरिया नगरपालिकाकी उप प्रमुख रूबी कुमारी ठाकुरले गरेकी थिइन ।
पोखरिया बजारमा रहेको नवनिर्मित पोखरेश्वर महादेव मन्दिरको प्राङ्गणमा भएकाे कार्यक्रममा महिलाहरुकाे महान पर्व हरितालिका तिजकाे शुभकामना आदानप्रदान समेत गरिएकाे थियाे । कार्यक्रममा वाेल्ने वक्ताहरुकाे तिजकाे माैलिकता बचाएर तिज मनाउनु पर्नेमा जाेड दिएका थिए ।
कार्यक्रममा नगरपालिकाका निमित प्रमुख प्रशासकीय अधिकृत अजय कुमार श्रीवास्तव, लेखापाल मन्दिप महतो, वडाध्यक्षहरु केदार महतो चाई, महेन्द्र प्रसाद चौहान, नौशाद आलम, पोखरिया नगरपालिका अन्तर्गतका वडा नम्बर १ देखी १० सम्मका महिला वडा सदस्यहरु, महिला कार्यपालिका सदस्यहरु, नेकापा एमाले नगर सचिव सन्तोष गिरी, रेडक्रास पोखरिया उपशाखाका सभापति भगवान प्रसाद कुर्मी, समाजसेवी दीपक ठाकुर लगायतकाे सहभागिता रहेको थियो । कार्यक्रमको सहजीकरण नरेन्द्र साह कानूले गरेका थिए ।
