शैलेश गुप्ता/पाेखरिया । पर्साको पोखरिया नगरपालिका वडा नम्बर ४ मा रहेको राष्ट्रीय वाणिज्य बैंक पोखरिया शाखामा संचालनमा आएकाे एटिएम मंगलबार उद्घाटन गरिएकाे छ ।
एक कार्यक्रमका बिच पोखरिया नगरपालिकाको नगर प्रमुख प्रद्युमन प्रसाद चौहानले एटिएमको उद्घघाटन गरेकाे राष्ट्रीय वाणिज्य बैंक पोखरिया शाखाको शाखा प्रमुख बिमल पुडासैनीले जानकारी दिए । पाेखरियामा एटिएम संचालनले ग्रामिण भेगका सेवाग्राहीलाई सहज हुने शाखा प्रमुख पुडासैनीले वताए ।
शाखा प्रमुख पुडासैनीको अध्यक्षतामा भएकाे उद्घाटन कार्यक्रमा प्रमुख अतिथि पोखरिया नगरपालिकाकी उप प्रमुख रूबी कुमारी ठाकुर, सूरज चौहान, निरज ठाकुर, पत्रकार, बैंकका कर्मचारी लगायत स्थानियकाे उपस्थिति रहेको थियो ।
बैंक परिसरमा भएकाे कार्यक्रममा स्वागत मन्तवय बैंक कै कर्मचारी प्रियंक गुप्ताले गरेकी थिइन ।
