पाेखरिया । पर्साकाे पाेखरिया नगरपालिकाले बुधबार संघिय मामिला तथा समान्य प्रशासन मन्त्री राजकुमार गुप्तालाई स्वागत तथा सम्मान गरेकाे छ ।
मन्त्री भएपछि पहिलाे पटक गृह जिल्ला आएका गुप्तालाई नगरपालिकाले एक कार्यक्रमकाे बिच स्वागत तथा सम्मान गरेकाे हाे । पाेखरिया नगरपालिकाले आयाेजना गरेकाे कार्यक्रममा नगर प्रमुख प्रदुम चाैहान, उप प्रमुख रुबी ठाकुर लगायतका नगरपालिकाका जनप्रतिनिधि र कर्मचारीहरुले मन्त्री गुप्तालाई स्वागत तथा सम्मान गरेका थिए ।
सम्मान कार्यक्रमलाई सम्बाेधन गर्दै मन्त्री गुप्ताले पाेखरियालाई जिल्लाकाे दाेस्राे सहरकाे रुपमा बनाइने वताए । उनले पाेखरियाकाे समग्र विकास हुनु पर्ने वताउँदै मेराे निर्वाचन क्षेत्र भित्र पर्ने पाेखरियाकाे विकासकाे लागि पहल गर्ने वताए ।
मन्त्री गुप्ताले पाेखरियाकाे समग्र विकासकाे लागि आफ्नाे तर्फबाट हुने सम्पूर्ण प्रयासहरु गर्ने प्रतिवद्धता जनाए । उनले आफ्नाे मन्त्रालय सहित अरु मन्त्रालयबाट हुने सहयाेग र सहकार्यकाे लागि आफुले पहल गर्ने वताए ।
पाेखरिया नगरपालिकाका मेयर चाैहानकाे अध्यक्षतामा भएकाे कार्यक्रममा नेकपा एमाले पर्साका अध्यक्ष डा. विश्वम्भर शर्मा, पाेखरिया नगरपालिकाका अध्यक्ष बिन्धाचल ठाकुर, शिक्षक संगठनका विनाेद गिरी, जगरनाथनपुर गाउँपालिका वडा नं. ६ का वडाध्यक्ष रामअयाेध्या पटेल लगायतकाे उपस्थिती रहेकाे थियाे ।
