वीरगंज । सुरक्षित आप्रवासन (सामी) कार्यक्रम अन्तर्गत बैदेशिक राेजगार विषयक नागरिक समाजसंग एक दिने अन्तरक्रिया कार्यक्रम बुधबार वीरगंजमा सम्पन्न भएकाे छ ।
वीरगंज गेटवे हाेटेलमा भएकाे कार्यक्रममा सहभागिहरुले बैदेशिक राेजगारमा जानेहरुकाे संख्या बढ्दै गएकाे भन्दै चिन्ता ब्यक्त गरेका हुन् । कार्यक्रममा वाेल्ने वक्ताहरुले बैदेशिक राेजगारमा जानेहरुले दु:ख पाउने गरेका कारण स्वदेश मै राेजगारी गर्नु पर्नेमा जाेड दिएका हुन् ।
कार्यक्रमका प्रमुख अतिथी जिल्ला समन्वय समितिका उप प्रमुख पुरन पटेलले बैदेशिक राेजगारीमा जानु भन्दा स्वदेश मै राेजगारी गर्नु पर्ने वताए । उनले बिदेश जादा धेरैले विभिन्न किसिमकाे दु:ख पाउने कारण स्वदेश मै राेजगारी गरी आफ्नाे परिवारसंग बस्नु पर्ने वताए ।
उप प्रमुख पटेलले विदेश जानु नै परे सिप सिकेर श्रम स्विकृति लिएर जानु पर्ने वताए । दिब्य विकास स्राेत केन्द्रले संचालन गरेकाे सामी परियाेजना प्रभावकारी देखिएकाे वताउँदै परियाेजनालाई निरन्तरता दिनु पर्ने वताए ।
गैर सरकारी संस्था महासंघ नेपाल पर्साका अध्यक्ष छठु साहले जिल्लाकाे चार पालिकामा संचालित परियाेजना सबै पालिकामा बिस्तार गर्नु पर्ने वताए । उनले देश कै मुख्य आम्दनीकाे स्राेतकाे रुपमा देखिएकाे बैदेशिक राेजगारलाई सरकारले ब्यवस्थित गर्नु पर्ने वताए ।
अध्यक्ष साहले सरकारले बैदेशिक राेजगारमा जान फ्रि टिक्ट र फ्रि भिजाकाे ब्यवस्था गरेपनि दिनहु आम जनता ठगिने गरेका कारण सरकारले ब्यवस्थित गर्नु पर्ने माग गरे ।
समाजिक संस्था जिल्ला समन्वय समिति पर्साका उपाध्यक्ष चन्देश चाैहानले अहिले गाउँ/गाउँमा बैदेशिक राेजगारमा पठाउने एजेन्टहरुकाे बिगबिगी भएकाे वताए । सरकारले फ्रिमा बैदेशिक राेजगार जान सकिने ब्यवस्था गरे पनि लाखाैं रकम लिएर बिदेश पठाउन एजेन्टलाई कारवाही गर्नु पर्ने वताए ।
कार्यक्रम संयाेजक रामाशंकर कुशवाहाले बैदेशिक राेजगारीमा ठगिएकाहरु मध्ये एक सय ११ जना सम्पर्कमा आएपनि २३ जनालाई मात्र न्याय दिलाउन सकिएकाे वताए । उनले अरु जनासंग सबुत र प्रमाण नभएका कारण न्याय पाउन नसकेकाे वताए ।
संयाेजक कुशवाहाले बैदेशिक राेजगारमा जान एजेन्ट वा म्यान पावनहरुसंग कुरा गर्दा कल रेकर्ड गर्नु पर्ने वा पैसा दिदा भर्पाई गराएर मात्र दिनु पर्ने वताए । पछि ठगिदा कानुनी ब्यवस्था अनुसार त्यँही प्रमाण हुने कुशवाहाले वताए ।
श्रम स्विकृति लिएर आफ्नै देशकाे एयरपाेर्टबाट मात्र बिदेश गएकाे खण्डमा ठग्ने सम्भावना कम हुने र बैदेशिक राेजगारकाे क्रममा मृत्यु भएकाे खण्ड नेपाल सरकारबाट रु ७ लाख बिमाकाे रकम उनका परिवारले पाउने जानकारी गराए । श्रम स्विकृत नलिएर गएकाहरुकाे मृत्यु भएकाे खण्डमा मात्र रु २५ हजार पाउने कानुनी ब्यवस्था रहेकाे वताए ।
दिव्य बिकास स्राेत केन्द्र वीरन्चीबर्वाका अध्यक्ष उमेश चाैहानकाे अध्यक्षतामा भएकाे कार्यक्रममा नेपाल रेडक्रस साेसाइटी पर्साका अध्यक्ष बिरेन्द्र राज कडेल, समाजिक अभियान्ता प्रकाश थारु, प्रेस सेन्टर नेपालका केन्द्रिय सदस्य निरज पिठाकाेटे मगर, जगत राई, समाजवादी प्रेस संगठन नेपालका पर्साका अध्यक्ष शम्भु कुमार सुमन, प्रेस युनियन पर्साका उपाध्यक्ष क्रान्ति साह, दिव्य विकास स्राेत केन्द्रका कार्यक्रम प्रबन्धक गणेश ठकुरी, निर्मला भण्डारी, नागेन्द्र पटेल, प्रतिज्ञा बैध लगायतले मन्तव्य राखेका थिए । कार्यक्रमकाे संचालन दिव्य विकास स्राेत केन्द्रका सुनिल कुमार पटेलले गरेका थिए ।
