वीरगंज । पर्साकाे कालिकामाई गाउँपालिका वडा नं. १ मुडलीमा निर्माण हुने वडा कार्यालय भवनकाे शिलान्यास गरिएकाे छ । एक कार्यक्रमकाे बिच गाउँपालिका अध्यक्ष बशिष्ट कुमार गुप्ता र वडाध्यक्ष लालबाबु राउत बरै संयुक्त रुपमा शिलान्यास गरेका हुन् ।
वडा कार्यालय भवनकाे शिलान्यास गर्दै गाउँपालिका अध्यक्ष गुप्ताले वडा कार्यालयकाे आफ्नै भवन निर्माण भएपछि सेवा प्रवाह गर्न सहज हुने वताए । उनले समय मै निर्माण कार्य सम्पन्न गर्न ठेक्दारलाई निर्देशन समेत दिए ।
जिल्ला समन्वय समिति पर्सा र गाउँपालिकाकाे रु ६० लाखकाे लागतमा वडा कार्यालय भवन निर्माण हुने प्रमुख प्रशासकिय अधिकृत अमित कुमार गिरीले जानकारी दिए ।
वडाध्यक्ष बरैकाे अध्यक्षता र गाउँपापालिका अध्यक्ष गुप्ताकाे प्रमुख आतिथ्यतामा भएकाे शिलान्यास कार्यक्रममा वडा सदस्यहरु, वडा कार्यालयका कर्मचारी र स्थानियहरुकाे उपस्थिती रहेकाे थियाे ।
यसैगरी कालिकामाई गाउँपालिकाकाे वडा नं. १ मै रहेकाे श्री नेपाल राष्ट्रिय प्राथमिक विद्यालयमा पनि विद्यालय भवनकाे शिलान्यास गरिएकाे छ । एक कार्यक्रमकाे बिच गाउँपालिका अध्यक्ष गुप्ताले विद्यालय भवनकाे शिलान्यास गरेकाे स्थानिय कृष्ण पटेलले वताए ।
वडाध्यक्ष बरैकाे अध्यक्षतामा भएकाे विद्यालय भवन शिलान्यास कार्यक्रममा स्थानिय नेता माेतिलाल प्रसाद पटेल, रामप्रबेश पटेल, राजबली पटेल, अमिका पासवान, सुरेन्द्र साह, टिनडाेबिया युवा क्लबका अध्यक्ष कृष्ण पटेल लगायतकाे उपस्थिती रहेकाे थियाे ।
