वीरगंज । पर्साकाे जगरनाथपुर गाउँपालिका वडा नं. ३ खलुचडीमा स्थानियहरुले अतिक्रमण गरेकाे विद्यालयकाे जग्गा गाउँपालिका अध्यक्ष श्रीकान्त प्रसाद यादवले खाली गराएका छन् ।
गाउँपालिका अध्यक्ष यादवले श्री नेरा आधारभुत विद्यालयकाे अतिक्रमण गरिएका एक विघा १० कठा जग्गा खाली गाराएका हुन् । मंगलबार दिउसाे आफै स्काभेटरसहित विद्यालयमा पुगेका गाउँपालिका अध्यक्ष यादवले विभिन्न बाधा, अवराेधकाे वाहजुद पनि अतिक्रमण खाली गराउन सफल भएका हुन् ।
उनले भने “राम्राे काम गर्न धेरै चुनाैती खेप्नु पर्दाे रहेछ । बर्षाैदेखि अतिक्रमण गरिएकाे जग्गा खाली गराउन जाँदा स्थानियहरुकाे विभिन्न बाधा, अवराेध खेप्नु पर्याे । तर पनि सफल भइयाे ।” खाली गाराईएकाे जग्गालाई पनि समेटेर यस बर्ष नै पर्खाल निर्माण गर्ने याेजना रहेकाे अध्यक्ष यादवले जानकारी गराए ।
अध्यक्ष यादवले विद्यालयलाई ब्यवस्थित बनाई गुणस्तरीय शिक्षाको ब्यवस्थापन गर्न सोचको साथ आफु निर्वाचित भएदेखि अगाडी बढी रहेकाे वताए । लथालिङ अवस्थामा रहेकाे गाउँपालिका अन्तर्गतकाे सामुदायिक विद्यालयहरु अवस्था सुधार गर्न आफु प्रयासरत रहेकाे उनले वताए ।
विद्यालयकाे जग्गा अतिक्रमण मुक्त गराईएपछि विद्यालयकाे फिल्ड पर्याप्त भएकाे वडाध्यक्ष सुभाष यादवले वताए । लामाे समयदेखि स्थानियकाे अक्रमणमा रहेकाे विद्यालय जग्गा खाली हुँदा विद्यालयलाई व्यस्थित गर्न पनि सहज हुने उनले वताए ।
