वीरगंज । पर्साका एक सय भन्दा बढी नेता, कार्यकर्ताहरु जनमत पार्टीमा प्रवेश गरेका छन् । जनमत पार्टी केन्द्रिय कार्यालय काठमाडौमा साेमबार आयोजित पार्टी प्रवेश कार्यक्रममा पर्साकी प्रभावसाली महिला नेतृ सिमा गुप्ताको नेतृत्वमा एक सय भन्दा बढीले प्रबेश गरेका हुन् ।
पार्टीका राष्ट्रिय अध्यक्ष डा सिके राउतको हातबाट सदस्यता प्राप्त गरि गुप्तासहित व्यक्तिहरु पार्टीमा आबद्ध भएकाे जनमत पार्टी पर्साका अध्यक्ष ओमप्रकाश सर्राफले जानकारी दिए । जिल्ला अध्यक्ष सरार्फको विशेष पहलमा भएको उक्त पार्टी प्रवेश कार्यक्रम सम्पन्न भएकाे हाे ।
पार्टी प्रवेश कार्यक्रममा पार्टी प्रवेश समन्वय समितिका राष्ट्रिय संयोजक माधव सिंह, केन्द्रिय सदस्य बिध्यालाल प्रसाद लगायत पर्साका अन्य नेतागण एवं केन्द्रिय नेताहरू उपस्थित रहेको थियो ।
अब नेपाली जनताको आशा र भरोसाको केन्द्रको रुपमा जनमत पार्टी मात्रै रहेकोले यो पार्टीलाई पर्सा जिल्लामा एक नम्बरको पार्टी बनाउने उदेश्यका साथ संगठन बिस्तार एवं पार्टी प्रवेशको कार्यक्रम निरन्तर जारी रहेको जिल्ला अध्यक्ष सरार्फले बताए ।
निस्वार्थ र बौद्धिक नेतृत्व, उत्कृष्ट भिजन तथा जनता मैत्री निति भएको जनमत पार्टी मात्र रहेकोले यो पार्टीमा प्रवेश गरेको नव प्रवेशी नेतृ सिमा गुप्ताले बताइन् । आफू र आफ्नो सम्पुर्ण समर्थकहरु जनमत पार्टी र जनताको सेवाको लागी दिनरात खटी रहने जिकिर उनले गरिन ।
अन्य नव प्रवेसीहरुमा मनु पटेल, अजय कलवार, बसिस्ट पन्डित, मनिता मिश्रा, बिजय साह सोनार, संजय प्रसाद कलवार, सन्दीप कलवार, मिथिलेस सिंह, अखिलेस सिह, गणेश सहनी लगायत रहेका छन् ।
