वीरगंज । राष्ट्रिय स्वतन्त्र पार्टी (रास्वपा) पर्सा निर्वाचन क्षेत्र नं. १ ले वीरगंजमा भइरहेकाे अघाेषित लाेडसेडिङ अन्त्यकाे माग गरेकाे छ । रास्वपा पर्सा क्षेत्र नं. १ काे समितिले बिहिबार बिद्युत प्राधिकरण वीरगंज बितरण केन्द्रका प्रमुख अवधेश कुमार दुबेलाई ध्यानाकर्षण पत्र बुझाउँदै अघाेषित लाेडसेडिङ अन्त्यकाे माग गरेकाे हाे ।
बिधुत आपूर्ति नियमित नरहँदा बिद्यार्थी, ब्यपारी तथा आम जनमानसको जिवनमा प्रत्यक्ष प्रभाव परेको र यस्तो गर्मीमा पनि अघोषित लाेडसेडिङग अन्त्यकाे माग गर्दै प्रमुख दुबेलाई ध्यानाकर्षण पत्र बुझाइएकाे रास्वपा वीरगंजका नेता महादेव प्रसाद कुर्मीले वताए ।
उनले भने “वीरगंजसहित पर्सा जिल्लामा बिधुत आपूर्ति नियमित नहुँदा बिद्यार्थीहरुको पठनपाठन, उधोगी व्यवसायीहरुको उत्पादन तथा बिक्रीवितरणमा र गर्मी माैसममा आम जनताकाे जनजिवन कष्ठकर भएकाे छ । त्यही भएर जिल्लामा भइरहेकाे अघाेषित लाेडसेडिङ अन्त्यकाे वीरगंज वितरण केन्द्रकाे ध्यानाकर्षण गराएका छाैं ।
रास्वपाले बुझाएकाे ध्यानाकर्षण पत्रमा देशको अरु भागमा बिधुत आपूर्ति नियमित रहेता पनि पर्सा जिल्लामा बिधुत आपूर्ति नियमित नरहनु भनेको पर्साबासीसंग देशकाे दाेस्राे दर्जाकाे नगरिक झै भेदभाव गरिएकाे उल्लेख गरिएकाे छ ।
हाम्राे ध्यानाकर्षणलाई बेवास्ता गरेर अघाेषित लाेडसेडिङकाे समस्या समाधान नभए प्राधिकरणकाे वीरगंज वितरण केन्द्र विरुद्ध चरणबद्ध आन्दोलन गर्न बाध्य हुने रास्वापाले बुझाएकाे ध्यानाकर्षण पत्र मार्फत चेतावनी समेत दिएकाे छ ।
ध्यानाकर्षण पत्र बुझाउने टाेलीमा रास्पा पर्सा निर्वाचन क्षेत्र न १ का सभापति सोएब अन्वरकाे, रास्पा बिरगंजका युवा नेता महादेव प्रसाद कुर्मी, मधेस प्रदेश सदस्य मुकेश कुमार कुर्मी, शिक्षा बिभाग मधेस पर्देशका उपप्रमुख सोनालाल पटेल, सन्चार बिभागका प्रभात चौरसिया, खेल्कुद बिभागका पुन्देश्वर यादव, क्षेत्र २ का सान्साद प्रत्यासी दिपराज कुर्मी, यातायात बिभागका राम आॠ, युवा नेताहरु प्रकाश शाह, राजनन्दन कल्वार, उमेस साह, शिक्षक कृष्ण पासावान लगायतको उपस्तिथि रहेकाे थियाे ।
