वीरगंज । नारायणी अस्पतालमा दैनिक ज्यालादारीमा कार्यरत कर्मचारीले १० महिनादेखि तलब पाउन सकेका छैनन् । अस्पतालमा दैनिक ज्यालादारीमा कार्यरत चिकित्सक, स्वास्थ्यकर्मी र कर्मचारीहरुले नयाँ आर्थिक मसान्त सुरु भएदेखि नै तलब पाउन नसकेका हुन् ।
नारायणी अस्पतालमा दैनिक ज्यालादारीमा चिकित्सकसहित १३८ जना कर्मचारी कार्यरत छन् । जस मध्ये अधिकांशले ६ महिनादेखि १० महिना सम्मकाे पारिश्रमिक पाउन सकेका छैनन् । चालु आर्थिक बर्ष २०८०/८१ काे साउन महिनादेखि नै हाल सम्म आफुहरु तलब पाउन नसकेकाे एक कर्मचारीले वताए ।
उनले लामाे समयदेखि आफुहरु तलब नपाएका कारण जिविकाेपार्जन गर्न गाह्राे भएकाे वताए । उनले भने “आफुहरु कार्यरत संस्थाबाट हाम्राे महान चाँड दशैं, दिपावली, छठ र हाेलीमा समेत तलब पाएनाैं । तै पनि काम गर्दै छाैं, तपाई आफै अनुमान गर्न सक्नु हुन्छ कस्ताे हालत हाेला ।”
अर्का एक कर्मचारीले कार्यरत अस्पतालबाटै पाएकाे पारिश्रमिकबाट बसेकाे काेठाकाे भाडा, छाेरा/छाेरीकाे स्कुलकाे फिअ लगायतकाे घरकाे खर्च गर्नु पर्ने हुन्छ तर लामाे समय सम्म तलब नपाएर साप्टी र कर्जा लिएर काम चलाइरहेकाे वताए । तर दुबै जनाले समाचार लेख्दा नाम नलेखिदिन अनुराेध गरे । किनभने नाम लेखेकाे खण्डमा रिसाएर अस्पताल प्रशासनले हटाउन सकने दुबै जनालाई डर थियाे ।
नारायणी अस्पतालका मेडिकल सुपरिटेन्डेन्ट (मेसु) डा. चितरन्जन साहले पैसा अभावले केही कर्मचारीलाई मात्र तलब खुवाउन नसकिएकाे वताए । उनका अनुसार दैनिक ज्यालादारीमा कार्यरत १३८ कर्मचारी मध्ये २८ जना जतिलाई मात्र ६ महिनाकाे तलब खुवाउन नसकिएकाे हाे । तर कर्मचारीका अनुसार सबै दैनिक ज्यलादारीका कर्मचारीले ६ महिनादेखि १० महिना सम्मकाे तलब खाएका छैनन् ।
मेसु साहले भने “बिमाले गर्दा समस्या भएकाे हाे, अस्पतालमा बिमा लागु भएपछि धेरै जस्ताे बिरामीकाे बिमा नै रहेकाे छ । बिमामा उपचार गरे वापत बिमाकाे पैसा समयमा आईदिएकाे छैन । बिमाकाे पैसा आएपछि तलब खान बाकी रहेका कर्मचारीहरुकाे तलब खुवाइन्छ ।”
