वीरगंज । पर्साको कालिकामाई गाउँपालिका वडा नं. ३ हरिहरपुरस्थित कालिकामाई मन्दिरमा बुधबार लागेकाे मेलामा कालिकामाई युवा समाजले निशुल्क खाजा तथा पानी वितरण गरेकाे छ ।
रामनवमीकाे अवसरमा लागेकाे मेलामा आउने भक्तजनहरूलाई निःशुल्क खाजा र पानी वितरण गर्नुकाे साथै आक्समिक स्वास्थ्य सेवा पनि उपलब्ध गराइएकाे युवा समाजका अध्यक्ष आकाश चाैरसियाले जानकारी दिए ।
युवा समाजका महा सचिव विशाल कुशवाहाकाे सहयाेगमा खाजा वितरण र कालिकामाई गाउँपालिकाकाे स्वास्थ्य शाखाकाे सहयाेग स्वास्थ्य चेकजाँचकाे साथै औषधि समेत वितरण गरिएकाे समाजका काेषाध्यक्ष बुलेट तिवारीले जानकारी दिए ।
समाजका अध्यक्ष आकाश चौरसियाकाे नेतृत्वमा भएकाे कार्यक्रममा वरिष्ठ उपाध्यक्ष आकाश महतो केवट, उपाध्यक्ष भरत साह तेली, महासचिव विशाल कुशवाहा, सचिव विकाश पटेल, कोषाध्यक्ष बुलेट तिवारी, सदस्यहरु चन्द्रशेखर पटेल, राकेश सर्राफ, सुदिप चौरसिया, दिपेन्द्र गुप्ता, रमेश चौरसिया, मोहन कुशवाहा, अनिश कलवार, विवेक कुशवाहा लगायतका युवाहरुको सहभागिता रहेको थियो ।
