वीरगंज । वीरगंज महानगरपालिकाकाे वडा नं. ८ पानीटंकीमा रहेकाे मिनिल्याणड इंगलिश सकेन्डरी स्कुलकाे ४० औं बार्षिकाेत्सव कार्यक्रम बुधबार भव्य रुपमा सम्पन्न भएकाे छ ।
विद्यालय प्राङ्गणमा भएकाे कार्यक्रमकाे उद्घाटन प्याब्सन पर्साका अध्यक्ष पुरण प्रधानले गरेका थिए । कार्यक्रमकाे उद्घाटन गर्दै अध्यक्ष प्रधानले शिक्षकलाई सम्मान गर्नु पर्ने वताए । उनले शिक्षकले आफू जलेर पनि दियाे बाल्ने कार्य गर्ने भएकाेले सम्मान गर्नु पर्ने वताए ।
उनले भने “शिक्षक र शिक्षिकालाई सम्मान गर्नु पर्छ । किनभने शिक्षक पेशा यस्ताे हाे, जसले आफु जलेर भए पनि दियाे बाल्ने गर्दछ ।”
विद्यालयका संचालक लालबाबु पटेलकाे अध्यक्षतामा भएकाे कार्यक्रममा प्याब्सनका केन्द्रिय सदस्य छेदुप लामा, प्याब्सन पर्साका बरिष्ठ उपाध्यक्ष सराेज चाैधरी, उपाध्यक्ष शिव गुप्ता, जिल्ला सचिव राहुल श्रीवास्तव, वीरगंजका महानगर अध्यक्ष आलाेक चाैरसिया, समाजवादी प्रेस संगठन पर्साका अध्यक्ष शम्भु कुमार सुमन, लिटिल बडी इन्टरनेशनल स्कुलका प्रिन्सपल बिजय कुमार बाल, ज्ञान साह, पत्रकार दिपु बर्णवाल लगायतकाे उपस्थिती रहेकाे थियाे । कार्यक्रमकाे संचालन संचारकर्मी उज्वल घिमिरेले गरेका थिए ।
कार्यक्रममा विद्यालयमा अध्ययनरत छात्र/छात्राहरुले विभिन्न किसिमकाे सांस्कृति प्रस्तुती राखेका थिए । साथै कार्यक्रममा विभिन्न प्रतियाेगितामा उत्कृष्ट भएका छात्र/छात्राहरुलाई प्रमाण पत्र तथा मेडल समेत वितरण गरिएकाे स्कुलका प्रिन्सपल सुरज पटेलले जानकारी दिए ।
