वीरगंज । वीरगंजमा शनिबार आकस्मिक आयोजना गरिएको कार्यक्रममा ३९ जनाले रक्तदान गरेका छन् ।
रक्तसञ्चार केन्द्र वीरगन्जमा भोलेन्टियर समुहले आयाेजना गरेकाे कार्यक्रममा अनिशकान्त कुश्वाहा, कृष्ण कुश्वाहा, सुरज साह तुरहा, दिलीप साह, रितेश सरार्फ लगायतले रक्तदान गरेका हुन् ।
रक्तसञ्चार केन्द्रमा रगत आभाव रहदै आएको र हाल रक्तदान कार्यक्रममा कमी भएकोले बिरामीहरुले समस्या खेप्नुपर्ने अवस्थामा थोरै भएपनि सहयोग होस् भन्ने उदेश्यका साथ आकस्मिक रक्तदान कार्यक्रम आयोजना गरिएको भोलेन्टियर समुह वीरगंजका संयोजक राजन श्रीवास्तवले जानकारी दिए ।
रक्तसञ्चार केन्द्र वीरगंजमा भोलेन्टियरले आयोजना गरेको आकस्मिक रक्तदान कार्यक्रममा ३९ जनाले बिरामिहरुलाई सहयोग गर्ने सोच राखी स्वेच्छाले रगत दान गरेकाे समुहका श्याम सर्राफले वताए ।
सो अवसरमा बिक्की गुप्ता, रामबिनय यादव, कमल चौगाइ, बिनय गुप्ता, सुरज सरार्फ, सौरभ पाण्डे, मनिस साह, धिरेन्द्र झा, हरि राउत लगायतको उपस्थिति रहेको थियो ।
