वीरगंज । “बाल विवाहलाई सम्बोधन गर्न किशोर किशोरीहरुलाई सशक्त बनाउने” कार्यक्रम सम्बन्धी अभिमुखकरण तथा समन्वय बैठक साेमबार वीरगंजमा सम्पन्न भएको छ । समाजिक संस्था जिल्ला समन्वय समिति पर्साको आयोजनामा पालिका स्तरिय अभिमुखीकरण कार्यक्रम सम्पन्न भएको हो ।
वीरगंज महानगरपालिकाकाे सभा हलमा भएकाे कार्यक्रममा सहभागिहरुले बाल विवाह रोकथाम गर्न हरेक उपाय अपनाउने कुरामा जोड दिए । कार्यक्रममा वाेल्ने वक्ताहरुले मधेश प्रदेशमा अहिले पनि बाल विवाह रोकथाम हुन नसकेको र बाल विवाहले समाजमा अनेकौं घटनाहरू दिनानुदिन बढ्दै गइरहेकोमा सबैको धयानाकर्षण हुनु पर्ने वताए ।
कार्यक्रममा वीरगंज महानगरपालिका शिक्षा शाखा प्रमुख अरबिन्दलाल कर्णले बाल विवाह रोकथाम गर्नकाे लागि सबै सरोकारवाला पक्षलाई आग्नु पर्ने वताए ।
कार्यक्रममा नेपाल प्रहरी, सामाजिक व्यक्ति, सामाजिक संघ/संस्थाका प्रतिनिधि, सञ्चारकर्मी, कानुन व्यसायीका प्रतिनिधि लगायतको सहभागिता रहेको थियो । कार्यक्रममा सहभागिहरुले बाल विवाहको वर्तमान अवस्थाको बारेमा आ – आफ्ना अनुभवहरू सुनाएका थिए ।
कार्यक्रमममा दिव्य विकास केन्द्रका उपाध्यक्ष रमाकान्त पटेल, सचिव निर्मला भण्डारी, जिल्ला संयाेजक जय किशोर साह, सबिता रिमाल लगायतको उपस्थिति रहेको थियो भने कार्यक्रम बारे विस्तृत जानकारी केन्द्रकी बरिष्ठ संयाेजक प्रसूति खरेलले दिएकी थिइन् ।
