वीरगंज । स्वर्गीय गोपाल गिरी क्रियाशील पत्रकारिता पुरस्कारबाट वीरगंजका पत्रकार बृजलाल पासवान पुरस्कृत भएका छन् ।
नेपाल पत्रकार महासंघ पर्सा शाखाले साेमबार आयाेजना गरेकाे कार्यक्रममा प्रमुख अतिथि पर्सा क्षेत्र नम्बर २ का प्रतिनिधि सभा सदस्य अजय चाैरसियाले नगद ५० हजार राशीकाे उक्त पुरस्कारसहित कदरपत्र पासवानलाई प्रदान गरे ।
राष्ट्रिय सहारा दैनिकका सम्पादक पासवानलाई नेपाल पत्रकार महासंघ पर्सा शाखाले यस बर्षकाे स्वर्गी गाेपाल गिरी क्रियाशिल पत्रकारित पुरस्कार प्रदान गरेकाे हाे ।
पुरस्कृत पासवान समाजवादी प्रेस संगठनका केन्द्रिय सचिव एवम् राष्ट्रिय दलित पत्रकार संघ पर्साका सल्लाहकार पनि हुन् ।
पत्रकार महासंघ पर्साका अध्यक्ष तिवारीकाे अध्यक्षतामा भएकाे पुरस्कार वितरण कार्यक्रममा नेपाल पत्रकार महासंघका केन्द्रीय सचिव दिपेन्द्र चाैहान, स्व. गिरीका सुपुत्र गिरिश गिरी, पर्साका प्रमुख जिल्ला अधिकारी दिनेश सागर भुषाल, प्रहरी उपरीक्षक काेमलविक्रम शनह, सशस्त्र प्रहरी उपरीक्षक किशन कर्मचार्य, महासंघ पर्साका पुर्व अध्यक्ष अशाेक तिवारी, प्रेस चाैतारीका जिल्ला अध्यक्ष तुलसी भण्डारी, प्रेस युनियन पर्साका अध्यक्ष विजय चाैहान, सााजवादी प्रेस संगठनका पर्सा अध्यक्ष मनाेज पटेल लगायतले मन्तव्य राखेका थिए ।
स्व. गिरी २०४७ सालमा पत्रकार महासंघ पर्सा शाखाको अध्यक्ष थिए । तत्कालिन वीरगन्ज उपमहानगरको मनोनित मेयर रहँदा २०६० साल माघ १ गते तत्कालिन माओवादीले गोपाल गिरीको हत्या गरेको थियो । उनै गिरीको सम्झनामा नेपाल पत्रकार महासंघ पर्साले यो पुरस्कार वितरण गर्दै आएको अध्यक्ष तिवारीले जानकारी दिए ।
यो पुरस्कारबाट यसअघि शत्रुघन नेपाल, ध्रुब साह, प्रताप श्रेष्ठ, महेशचन्द्र गौतम, बिजय भण्डारी, केसी लामिछाने, श्याम बन्जारा, ओमप्रकाश खनाल, कन्हैयालाल केसरी र गया यादव पुरस्कृत भइसकेका छन् ।
