वीरगंज । पर्साको पकहाँ मैनपुर गाउँपालिकाले विभिन्न विषयकाे शिक्षककाे लागि खुल्ला गरेकाे विज्ञापनमा दुई बिषयकाे शिक्षककाे लागि एउटा पनि दरखास्त परेकाे छैन ।
गाउँपालिकाले मंसिर २२ गते विभिन्न विद्यालयका शिक्षककाे लागी १३ वटा पदमा विज्ञापन आव्हान गरेकाे थियाे । त्यस विज्ञापनकाे पुस ६ गते सम्मकाे अवधिमा मावि तहकाे एक जना विज्ञान विषयकाे शिक्षक र एक जना अर्थशात्र विषयकाे शिक्षककाे लागि एक जनाकाे पनि आवेदन नपरेकाे गाउँपालिकाका प्रशासन शाखा प्रमुख हरिमाेहन महताेले वताए ।
मावि तह कै अंग्रेजी, नेपाली र गणितका लागी मांग गरिएको सिट भन्दा बढी नै आवेदन परे पनि विज्ञान र गणित विषयकाे लागि आवेदन नगरेकाे उनले वताए ।
सो बिषयका लागी शिक्षकको दरखास्त नपर्दा अभाव रहेकाे शिक्षक परिपुर्ति नहुने देखिएकाे छ । जस कारण विद्यार्थीहरुकाे पठनपाठनमा समस्या उत्पन हुने प्रध्यानाध्यापकहरुले बताएका छन् ।
यसले मावि तहकाे विज्ञान र अर्थशास्त्रकाे बिषयगत शिक्षकको पर्सामा कमी रहेकाे देखाएकाे छ । पर्साका अधिकांश सामुदायिक विद्यालयमा यी विषयका शिक्षकहरुकाे अभाव रहेकाे छ । जस कारण विद्यार्थीहरुकाे पठनपाठन प्रभावित हुँदै आएकाे छ ।
पकहाँ मैनपुर गाउँपालिकाले आव्हान गरेकाे विज्ञान अन्तर्गत सब भन्दा बढी प्रावि तहका शिक्षकहरुकाे लागि आवेदन परेकाे छ । गाउँपालिकाका अनुसार प्राथमिक तहका लागी माग गरिएको बिज्ञापन नं. १३ अन्तर्गत एक शिक्षककाे लागि ७ जना र बिज्ञापन नमबर १४ अन्तर्गत एक शिक्षककाे लागि ८ जनाको दरखास्त परेको छ ।
निम्न माध्यमिक तहमा अंग्रेजी बिषयका लागी २ जना मांग गरिएकोमा ३ जनाको दरखास्त परेको छ । नेपालीका लागी पद संख्या १ रहेकोमा ७ जनाको दरखास्त परेको छ । गणित बिषयका लागी सिट संख्या ३ रहेकोमा ५ जनाको दरखास्त परेको छ ।
यसैगरी लेखामा विद्यालयका कर्मचारी १ जनाको मांग गरिएकोमा २ जनाको आवेदन परेको छ ।
