वीरगंज । भोजपुरिया उडान संस्थाकाे आयाेजनामा शनिबार वीरगंजमा कविता वाचन कार्यक्रम सम्पन्न भएको छ । वीरगंजस्थित कलवार कल्याण समितिमा भएकाे कार्यक्रममा कवि वक्ताहरूले कविता, गीत, गजल, मुक्तक लगायत वाचन गरेकाे संस्थाका सचिव कृष्ण पासवानले जानकारी दिए ।
कार्यक्रमका प्रमुख अतिथि वरिष्ठ साहित्यकार प्रमोद पाण्डेसहित विशिष्ट अतिथिहरुले दीप प्रज्वलन गरेर कार्यक्रमकाे उद्घाटन गरेका थिए ।
आयोजक संस्थाको लगनशीलता र प्रयास सराहनीय रहेको भाषाकर्मी अशोक कुश्वाहाले बताए ।
उनले भने “आफ्नै मातृभाषाको आनन्द लिरहदा आफ्नै माटोको सुगन्ध छर्कन चियासंग मकैको लावा र खाजामा मालपुवा र चट्नीको स्वादले माहोलनै भोजपुरीमै बनाएको आभाष भो ।´
भोजपुरी भाषाको उत्थान, प्रबर्द्धन तथा संरक्षणका लागि प्रयासरत रहेको भोजपुरिया उडानले बेलाबखत यस्ता कार्यक्रम आयोजना गरेर सम्पूर्ण कवि वर्गलाई एकीकृत गर्दै आफ्नो भाषालाई अगाडि बढाउन सबैसँग हातेमालो गर्ने आयाेजक संस्थाका अध्यक्ष आमोद प्रसाद गुप्ताले वताए ।
कार्यक्रममा बाराका रामप्रसाद साह, सिम्रौनगढका बतहु यादव, प्राज्ञ दिनेश गुप्ता, नेपाल भोजपुरी समाजका धुर्व सिंह ठकुरी, अनिता साह, अजमत अलि, रितु राज, विनय गुप्ता, राधेश्याम गुप्ता, आयाेजक संस्थाका ललन सहनी, छोटु राजा, श्याम सर्राफ, जय यादव लगायतको उपस्थिति रहेको थियो भने कार्यक्रमकाे सञ्चालन संस्थाकी अस्मिता पटेलले गरेकी थिइन् ।
