वीरगंज । एकता महिला बचत तथा ऋण सहकारी संस्था लि. वीरगंजकाे १६ औं बार्षिक साधारण सभा शनिबार वीरगंजमा सम्पन्न भएकाे छ ।
वीरगंज २ स्थित लक्ष्मीनारायण पार्टी प्यालेसमा भएकाे साधारण सभाकाे उद्घाटन वीरगंज महानगरपालिकाका उप मेयर इम्तियाज आलमले गरेका थिए ।
सभामा सहकारी संस्थाकी काेषाध्यक्ष आमना खातुनले संस्थाले आर्थिक बर्ष २०७९/०८० मा नियमित बचत ३ कराेड १८ लाख ९८ हजार ६ सय ३२ गरेकाे वताए । उनले संस्थाले गत आर्थिक बर्षमा दुई कराेड १२ लाख ५७ हजार ९ सय ७० गरेकाे जानकारी दिए ।
संस्थाकी अध्यक्ष मंजु देवीकाे अध्यक्षतामा भएकाे कार्यक्रममा वीरगंज २ का वडाध्यक्ष महमद रेयाज, सामुदायिक प्रहरी सेवा केन्द्र छपकैयाका अध्यक्ष ग्यासुदिन ठकुराई, एकता साकाेसका नागिया देवी, स्वच्छद साकाेसका चन्द्रशेखर साह, काेहिनुर साकाेसका फनिन्द्र मिश्रा लगायतकाे उपस्थिती रहेकाे थियाे ।
