वीरगंज । पर्साको पोखरिया नगरपालिकामा आइतबार स्थानियहरुले प्रदर्शन गरेका छन् । नगर विकास योजना अन्तर्गत राेका रहेकाे जग्गा फुकुवाकाे माग गर्दै स्थानियहरुले प्रदर्शन गरेका हुन् ।
नगर विकास याेजनामा मेयर प्रदुमन चौहानले मनमौजी गरेको आरोप लगाउँदै स्थानीयहरूले पाेखरिया बजारमा विराेध जुलुश निकाल्नुकाे साथै नगरपालिका अगाडि टायर बालेर प्रदर्शन गरेका छन् ।
नगर विकास याेजनाकाे नाममा ४० बर्षदेखि राेक्का रहेकाे जग्गा फुकुवा माग गर्दै प्रदर्शन गरिएकाे स्थानिय भाेला कुमार गुप्ताले वताए ।
नगर विकासकाे नाममा लामाे समयदेखि जग्गा राेका भएका कारण कुनै पनि काम गर्न नसकिएकाे गुनासाे उनले गरे । उनका अनुसार पाेखरिया बजार आसपासका ५८ विग्गाहा जग्गा नगर विकास याेजनाकाे नामा राेक्का छ । जस कारण आफ्नै जग्गा ना कसैले बिक्री गर्न पाएका छन्, न कर्जा नै लिन पाएका छन् ।
नगर विकास याेजना अन्तर्गतका जग्गा ७० प्रतिशत जग्गा धनीले र ३० प्रतिशत याेजनाकाे लागि दिने सहमती भएपनि त्यस अनुसार लागु नभएका कारण विराेध प्रदर्शनमा उत्रनु पर्ने उनले वताए ।
