वीरगंज । पर्साको पोखरिया नगरपालिका कार्यालयमा शुक्रबार राति एक दलित महिलामाथि बलात्कारकाे प्रयास भएकाे छ । नगरपालिका कार्यालयमा कार्यरत सरसफाइ कर्मचारीका २२ बर्षिय श्रीमतीमाथि बलात्कारको प्रयास भएको प्रहरीले जनाएकाे छ ।
सरसफाइ शाखाका नाइके २५ बर्षिय रामबली हजराले सरसफाई कर्मचारीकी श्रीमतीमाथि बलात्कारको प्रयास गरेको उजरी आएकाे इलाका प्रहरी कार्यालय पाेखरियाले जनाएकाे छ । नाइके हजराले राती साढे ९ बजे नगरपालिकाको कार्यालयमा बोलाएर बलात्कारको प्रयास गरेको पीडित महिलाको आफ्न्तले जनाएका छन् ।
नगरपालिकामा कार्यरत सरसफाई कर्मचारी श्रीमान् बाहिर रहेकाे बेला श्रीमतीलाई बाेलाइएकाे थियाे । उनलाई सरसफाई शाखा कै कर्मचारीले फाेन गरेर रातिकाे समयमा नगरपालिकामा बाेलाएका थिए । नगरपालिकामा नआए तिम्राे श्रीमानकाे जागिर जाने भनिएपछि पिडित महिला कार्यालय पुगेकी थिइन ।
साेही माेकामा उनीमाथि सरसफाई कर्मचारीका नाइकेबाट कार्यालय भित्र बलात्कारकाे प्रयास भएकाे हाे ।
नगरपालिकाका सरसफाई शाखा प्रमुख विनाेद पाण्डेले घटना बारे अनुसन्धान गर्न छानविन समिति गठन भइरहेकाे वताए । साे समितिले घटनाको सत्य तथ्य पत्ता लगाउने वताउँदै उनले समितिले दिएको प्रतिवेदनको आधारमा के गर्ने भन्ने कुराको निष्कर्षमा पुग्ने वताए ।
पीडित महिला र उनको श्रीमानले इलाका प्रहरी कार्यालय पोखरियामा उजरी दिएका छन् । पिडितले बलात्कार प्रयासकाे उजरी दिएकाे ईलाका प्रहरी कार्यालय पोखरियाका प्रहरी नीरिक्षक मोहन बिक्रम केसीले वताए ।
प्रहरि निरिक्षक केसीले भने “बलात्कार प्रयासकाे उजरी आएपछि पिडितकाे स्वास्थ्य परिक्षणकाे लागि वीरगंजस्थित नारायणी अस्पतालमा पठाइएकाे छ, घटना बारे थप अनुसन्धान भइरहेकाे छ ।”
