वीरगंज । पोखरिया नगरपालिकामा जारि पांचाै मेयर कप २०८० क्रिकेट प्रतियाेगिता अन्तर्गत साेमबार भएकाे दाेस्राे खेलमा बहुदरमाई नगरपालिकालाई १४ रनले हराउँदै कालिकामाई गाउँपालिका विजयी भएकाे छ ।
सुरुमा टस जितेर ब्याटिङ गरेकाे कालिकामाईले पुरै २० ओभर खेल्दै ८ विकेटकाे नाेक्सानीमा १७७ रन बनाएकाे थियाे । त्यसपछि १७८ रनकाे लक्ष्यसहित जवाफी ब्याटिङमा उत्रेकाे बहुदरमाईले १८.३ ओभर खेल्दै पुरै विकेट गुमाउँदै १६३ रन मै समेटिएपछि कालिकामाई विजयी भएकाे कालिकामाईका क्रिकेट खेलाडी याेगराज शर्माले जानकारी दिए ।
पाेखरिया नगरपालिका वडा नं. ६ काे आयाेजनामा पाेखरियास्थित शेरा फिल्डमा भइरहेकाे प्रतियाेगिता अन्तर्गतकाे साेमबारकाे खेल हेर्न कालिकामाई गाउँपालिकाका अध्यक्ष बिशिष्ट कुमार गुप्ता पनि पुगेका थिए ।
उनले गाउँपालिकाकाे तर्फबाट कालिकामाईका खेलाडीहरुलाई जर्सी समेत वितरण गरेका थिए ।
८ वटा टिमकाे सहभागिता रहेकाे प्रतियाेगिताकाे विजेता टिमले रु एक लाख र उप विजेता टिमले रु ५० हजार पुरस्कार पाउने आयाेजकले जनाएकाे छ ।
- Advertisement -
मंगलबार तेस्राे खेला जगरनाथपुर गाउँपालिका र धाेबिनी गाउँपालिका बिच हुने छ ।
