पोखरीया । पर्साकाे पाेखरियामा ३६ औं विश्व एड्स दिवसको अवसरमा लैंगिक हिंसा विरुद्धकाे १६ दिने अभियान अन्तर्गत जनचेतनामुलक र्याली निकालिएकाे छ ।
श्री जिल्ला उच्चांगल रामदेव कलवार माद्यमिक विद्यालय पोखरीयाको प्राङ्गणबाट सुरु भएकाे र्याली पोखरिया बजार र सतवरिया टोलको परिक्रमा गरि पुन: विद्यालयमा पुगी काेण सभामा परिणत भएकाे थियाे ।
दिव्य विकास स्राेत केन्द्रका अध्यक्ष उमेश चाैहानकाे अध्यक्षतामा भएकाे कार्यक्रमकाे उद्घाटन पोखरीया नगरपालिकाका मेयर प्रदुमन चौहानले ब्यानर पढेर उद्घाटन गरेका थिए ।
काेण सभालाई सम्बाेधन गर्दै मेयर चाैहानले लैंगिक हिंसा र दहेज विरोध गाउँ गाउँ, टोल, विद्यालय, समुदाय, समाज र घरपरिवारमा जनचेतना फैलाउन जरुरी रहेको वताए ।
पोखरीया नगरपालिकाकी उपमेयर रूबी ठाकुरले एडस, लैंगिक हिंसा र दहेज विरूधको जनचेतनामूलक कार्यक्रम गर्नु सराहनिय भएकाे वताइन ।
उनले छिट्टै ने यस्तै खाले जनचेतनामूलक कार्यक्रम पोखरीया नगरपालिकाले पनि संचालन गर्ने वताइन ।
साे अवसरमा नेपाल रेडक्रस सोसाइटी पोखरीयाका सभापति भगवान कुर्मी, दिव्य विकास केन्द्रका कार्यकारीका निर्देशक रामाकान्त प्रसाद कुर्मी लगायतले मन्तव्य राखेका थिए भने कार्यक्रमकाे संचालन गुलशन कुमार तिवारीले गरेका थिए ।
