वीरगंज । पर्साको पकहाँ मैनपुर गाउँपालिकाको शिक्षा समिती र प्रधानाध्यापकहरु बिचको समन्वयवात्मक बैठक सम्पन भएको छ ।
गाउँपालिका अध्यक्ष सुरेश प्रसाद मेहताको अध्यक्षतामा बसेको बैठकले यहि पुष ५ गतेदेखी अर्धबार्षिक परिक्षा संचालन गर्ने निर्णय गरेको छ ।
यसका साथै गाउँपालिका कै सभा हलमा बसेकाे बैठकमा अर्धबार्षिक परिक्षाकाे प्रश्नपत्र र परिक्षाको मितीमा एकरुपता हुनु पर्ने जस्ता निर्णय भएको गाउँपालिकाका शिक्षा संयोजक दामोदर दुबेले बताए ।
बैठकमा परिक्षाको कपी पालिकामा अन्तर्गतका विद्यालयमा परिवर्तन गरेर चेक चेकजाच गर्ने बारे पनि छलफल भएको प्रमुख प्रशासकिय अधिकृत उदयशंकर चौधरीले बताए ।
बैठकमा गाउँपालिकाको १६ वटा विद्यालयमा दिवा खाजा संचालन भएको खर्चको फर्छाैटका लागी पत्र ल्याई पुरानो भुक्तानी लिनु पर्ने र दिवाखाजा निरन्तरत रुपमा संचालन, प्रभावकारी रुपमा कक्षा संचालन गर्ने निर्णय पनि भएकाे वताइएकाे छ ।
बैठकमा प्रमुख प्रशासकिय अधिकृत उदयशंकर चौधरी, उपाध्यक्षकी स्वकिय सचिव नसुरुल्लाह मियाँ, शिक्षा प्रमुख दामोदर दुबेसहित गाउँपालिका अन्तर्गतका १५ विद्यालयका प्रधानाध्यापकहरुकाे सहभागीता रहेको थियो ।
