वीरगंज । पर्साकाे धाेबीनी गाउँपालिकामा भएकाे प्रथम अध्यक्ष कप क्रिकेट टुर्नामेन्टकाे उपाधी वडा नं. २ भिखमपुरले पाएकाे छ ।
गाउँपालिकाकाे वडा नं. ३ स्थित गुलरिया क्रिकेट मैदानमा शनिबार भएकाे टुर्नामेन्टकाे फाइनल खेलमा वडा नं. ३ हरिहरपुरलाई हराउँदै भिखमपुर विजयी भएकाे हाे ।
सुरुमा टस जितेर ब्याटिङ गरेका भिखमपुरले पुरै २० ओभर खेल्दै ७ विकेटकाे नाेक्सान १५१ रन बनाएकाे थियाे । त्यसपछि १५२ रनकाे लक्ष्यसहित जवाफी ब्याटीङमा उत्रेकाे हरिहरपुरले १७ ओभर मै पुरै विकेट गुमाउँदै १०४ रन मात्र बनाएकाे थियाे ।
टुर्नामेन्टका विजेता टिम भिखमपुरलाई गाउँपालिका अध्यक्ष मदन प्रसाद चाैहानले पुरस्कार राशी रु २५ हजारकाे चेक र ट्रफी प्रदान गरे ।
त्यसैगरी उपविजेता हरिहरपुरलाई प्रमुख प्रशासकिय अधिकृत प्रमाेद साहले पुरस्कार राशी रु १५ हजारकाे चेक र ट्रफी प्रदान गरेका थिए ।
टुर्नामेन्टमा वेष्ट ब्याटस म्यान वडा नं. ३ का कैमुदिन आलम, वेष्ट बलर वडा नं. २ का अभिषेक चाैहान, म्यान अफ द सिरिज र म्यान अफ द म्याच चन्दन राम घाेषित भएका थिए ।
गाउँपालिका अध्यक्ष चाैहान कै अध्यक्षतामा भएकाे पुरस्कार वितरण कार्यक्रममा वडा नं. १ का वडाध्यक्ष बन्धु साह तेली, २ का वडाध्यक्ष देवेन्द्र प्रसाद कुर्मी, गाउँपालिकाका याेजना शाखा प्रमुख पप्पु पटेल, जिन्सी शाखा प्रमुख प्रदिप पटेल, ब्लु हेभेन एकेडमीका प्रधानाध्यापक सुदिल, स्थानिय नेता पप्पु पटेल लगायतकाे उपस्थिती रहेकाे थियाे ।
