वीरगंज । उपकार सेवा नेपालको सहयोगमा नेपाल अपाङ्ग सेवा संघ बाराले २४ जनालाई व्हीलचेयर वितरण गरेकाे छ । शारिरीक अपाङ्गहरुलाई हिडडुल गर्न सहयोग पुग्ने उद्देश्यले उक्त व्हीलचेयर वितरण गरिएको समाजिक अभियान्ता प्रकाश थारुले बताए ।
गत हप्ता वीरगंजमा आयोजना गरिएको व्हीलचेयर वितरण कार्यक्रममा २९ जनालाई सहयोग गरिएको थियो । सोही कार्यक्रम अन्तर्गत बारा जिल्लाको सिमरामा एक कार्यक्रम गरि आवश्यकता भएकाहरुलाई व्हीलचेयर सहयोग गर्ने योजना रहेको बताइएको छ ।
शनिबार भएकाे कार्यक्रममा महेश बगेडिया, पदमा सरावगी, बिधा सरावगी लगायतको उपस्थिति रहेको दिपू वर्णवालले जानकारी गराए ।
