वीरगंज । भारतको कलकतामा आयोजना हुन लागेको सार्क राष्ट्र कराते प्रतियोगितामा भाग लिन गइरहेका कराते खेलाडीहरुलाई शुक्रबार वीरगंजमा सम्मानसहित बिदाई गरिएको छ ।
- Advertisement -
वीरगंज महानगरपालिका वडा नं. १० कबड हल घडिअर्वामा आयोजित कार्यक्रममा वीरगंजबाट प्रतियोगितामा भाग लिन जान लागेका २० जना खेलाडिहरुलाई नेकपा (माओवादी केन्द्र ) वीरगंज महानगरपालिका अध्यक्ष रहबर अन्सारीले खादा, अबरि टीका र माला लगाई बिदाई गरेका हुन् ।
कार्यक्रममा बोल्दै नेता अन्सारीले वीरगंजका खेलाडिहरु प्रतियोगितामा विजयी हुने पुर्ण आशा र विश्वास लिदै वीरगंज तथा देशकै नाम चिनाउन सफल हुने बताएका थिए । कराते गुरु राजकुमारको नेतृत्वमा भारतको कलकतामा आयोजना हुन लागेको सो प्रतियोगिता भाग लिन खेलाडिहरु गएको अनेरास्ववियु क्रान्तिकारीका जुबैर आलमले बताए ।
