वीरगंज । पर्साकाे धोबिनी गाउँपालिकाका केही प्रबुद्ध ब्यक्तित्वहरु नेकपा (एकीकृत समाजबादी)मा प्रवेश गरेका छ्न् । नेपाल प्रहरीका सेवा निबृत प्रहरी निरीक्षक ललन प्रसाद कुर्मीको नेतृत्वमा सोही पालिकाका चार जना नेकपा एकीकृत समाजबादीमा प्रबेश गरेका हुन ।
पार्टीका पर्सा जिल्ला अध्यक्ष बालगोपाल थापाको निवासमा भएको औपचारिक छलफल पश्चात पार्टीका केन्द्रिय सचीव नगेन्द्र चौधरीले टिका लगाई पुर्ब प्रहरी निरीक्षक कुर्मी लगायतलाई पार्टीमा स्वागत गरेका थिए ।
कुर्मीसंगै सोही पालिकाका मदन प्रसाद कुर्मी, सहिद हवारी र चन्देश कुर्मीले समेत पार्टी प्रवेश गरेको वीरगंज महानगर कमिटीका अध्यक्ष मनोज चौधरीले बताए । उक्त अवसरमा वीरगंज महानगर कमिटीका सचीव बृजलाल पासवान लगायतको उपस्थित रहेको थियो ।
