वीरगंज । कुनै समयमा एक अर्काका प्रतिश्पर्धी मानिने जनता समाजवादी पार्टी (जसपा)का नेता प्रदीप यादव र राजेशमान सिंह एकै ठाउँमा उभिएका छन् । केही साता अगाडी मात्रै लोकतान्तिक समाजवादी पार्टी (लोसपा) त्यागेर नेकपा एमाले प्रवेश गर्न लागेका राजेशमान सिंह र जसपा नेता प्रदिप यादव बिच बुधबार पार्टी प्रबेश बारे छलफल भएकाे हाे ।
छलफलकाे क्रममा दुबै नेता बिच पार्टी प्रबेश बारे सहमती जुटेकाे बुझिएकाे छ । आफूसँग धोका भएको भन्दै एमाले प्रबेश नगर्ने निर्णयमा पुगेका सिंहले जसपा रोजेका हुन् । सिंहले चैत ७ गते पोखरीया आयोजना हुने कार्यक्रममा जसपा प्रवेश गर्ने बताइएको छ ।
संविधानसभा सदस्य राजकुमार गुप्ता समूहसँग वीरगञ्ज महानगरपालिकामा मेयरको टिकट पाउने आश्वाशनसहित सिंहले एमाले प्रवेश गर्ने तयारीमा थिए । तर, एमाले पर्सा भित्रकै अर्को समूहले उनका प्रतिद्वन्द्वीसमेत रहेका वीरगंज महानगरपालिकाका मेयर विजय कुमार सरावगीलाई पार्टी प्रवेश गराएपछि उनि अन्योलमा परेका थिए ।
सरावगीलाई पनि एमालेका अध्यक्ष केपी शर्मा ओलीले पार्टीको तर्फबाट वीरगञ्ज महानगरको मेयरको टिकट दिने आश्वासन दिएका छन् । सरावगीको प्रवेशसँगै सिंह र उनिमध्ये पार्टीबाट मेयरको टिकट कसले पाउँछ भन्ने विषयमा एमाले भित्र पनि मतान्तर बढ्दै गएको थियो ।
यद्दपी, एमाले भित्र टिकट पाउने दौडमा निर्वाचित मेयरले प्राथमिकता पाउने देखिएपछि सिंह जसपामा जाने निस्कर्षमा पुगेको हुन् ।
