वीरगंज । नेपाली कांग्रेसका पूर्व महाधिवशेन प्रतिनिधि एवम् साविक महादेवपट्टि गाबिसका पुर्व उपाध्यक्ष शेख अब्दुल रहमान मियाँको निधन भएकाे छ । जिराभवानी गाउँपालिका वडा नं. १ बलुवा निवासी ७४ बर्षिय मियाँकाे मंगलबार विहान ९ बजे निधन भएकाे हाे ।
मियाँकाे निधनले नेपाली कांग्रेसलाई अपुरणिय क्षति पुगेकाे नेपाली कांग्रेसका केन्द्रिय सदस्य एवम् मधेश प्रदेशका संयाेजक रमेश रिजालले वताए । मियाँलाई श्रद्धान्जली दिँदै नेता रिजाले कांग्रेसका इमान्दार सिपाही उनी रहेकाे वताए ।
मियाँकाे अन्तिम विदाई तथा श्रद्धान्जली दिन नेता रिजालकाे साथै मधेस प्रदेशका महामन्त्री बृहस्पति कृष्ण श्रेष्ठ, प्रदेश सांसद शंकर चौधरी, महाअधिवेशन प्रतिनिधि वशिष्ठनारायण प्रसाद कुर्मी, क्षेत्रिय सभापति श्रीकान्त यादव, जिल्ला सह सचिव नविन सिंह, नेता सहरुम राउत गद्दी लगायत नेता तथा कार्यकर्ता पुगेका थिए ।
मियाँकाे निधन प्रति नेपाली कांग्रेस पर्सा र पर्सा क्षेत्र नं. ४ काे क्षेत्रिय समितिले हार्दिक श्रद्धान्जली तथा संवेदना प्रकट गरेकाे छ ।
