वीरगंज । पर्साकाे पर्सागढी नगरपालिकामा स्वास्थकर्मीहरुको लागि ७ दिने वृहत पाेषण सम्बन्धि क्षमता अभिवृद्धि तालिम मंगलबारदेखी सुरु भएकाे छ ।
पर्सागढी नगरपालिका वडा नं. २ काे कार्यालयमा सुरु भएकाे तालिमकाे नगर प्रमुख लाेकनारायण यादवले उद्घाटन गरेका थिए । तालिमकाे उद्घाटन गर्दै नगर प्रमुख यादवले अभिभावकहरुले बालबालिकाकाे स्वास्थ्य अवस्थाकाे साथ साथै पाेषणमा ध्यान दिनु पर्ने वताए ।
पर्सागढी नगरपालिकाकाे आयाेजनामा सुरु भएकाे तालिममा नगरपालिकका अनतर्गतका स्वास्थ्य चौकी, प्राथमिक स्वास्थ्य केन्द्र लगायतका सम्पुर्ण स्वास्थ्यकर्मीहरुको सहभागिता रहेकाे छ ।
तालिममा मातृ शिशु पोषण, उपचार लगायतका विषयमा प्रशिक्षण दिइने प्रशिक्षक परमानन्द यादव जनाकारी दिए ।
तालिम उद्घाटन कार्यक्रममा प्रमुख प्रशासकीय अधिकृत भरत प्रसाद यादव, स्वास्थ्य संयोजक उमेश साह, स्वास्थ्य सहायक मनोज कुमार, वडाध्यक्ष बेदमन दास थारू, सचिव प्रमिला चौधरी लगायतका सहभागीता रहेको थियाे । कार्यक्रमको सहजिकरण गिरीराज कडेलले गरेका थिए ।
