जीराभवानी । पर्साको ग्रामीण भेगमा लाग्ने कात्तिक शुक्ल चतुर्दशीका सातोमाईका मेलाहरु आजबाट सुरु भएका छन् । जिल्ला वन कार्यालय अन्तर्गतका जंगलमा पांच वटा शक्तिपिठहरुमा लाग्ने मेला सुरु भएकाे हाे ।
ठोरी गाउँपालिकाकाे वडा नं. ५ मा रहेका बाघमोर्चा माई, जिराभवानी गाउँपालिका वडा नं. ५ मा रहेका सुगीभार माई, पटेर्वासुगौली गाउँपालिका वडा नं १ मा रहेका गादी माई, पर्सागढी नगरपालिका वडा नं १ रहेका कोइलाभाई माई र पर्सागढी नगरपालिका वडा नं ३ मा रहेका आमोदेवी माईको मेला यसपाली भव्य रुप्ले लाग्ने जीराभवानी गाउँपालिका वडा नं. ५ सखुवनिया निवासी मुक्ति दास थारुले बताए ।
मेला लगाउने यसपाली प्रसानकाे बाधा अवराेध नरहेकाेले मेलाहरु धुमधमका साथ लाग्ने उनले बताए । बिहिबार चतुर्दशीका दिन मन्दिरमा जल चढाई समान्य रुपमा पूजा अर्चना गर्ने र शुक्रबार पूर्णिमाको दिन बली चढाई संस्कृति तथा परम्परालाई संरक्षण गर्ने थारुले बताए ।
मेलामा हाे हल्ला, जुवा, तास, जाड रक्सी पुर्ण रुप्ले बन्देज रहने इलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाले वताए । यस सम्बन्धि सूचना जिल्ला प्रशासन कार्यालय पर्साले मेला समितिलाई दिइ सकेको उनले जानकारी गराए ।
