वीरगंज । पर्साकाे धाेबिनी गाउँपालिकामा जारी अध्यक्षकप टि २० क्रिकेट टुर्नामेन्टकाे आइतबार भएकाे दाेस्राे खेलमा आयाेजक धाेबिनी गाउँपालिका विजयी भएकाे छ ।
धाेबिनी गाउँपालिकाकाे आयाेजनामा भइरहेकाे टुर्नामेन्टमा बहुदरमाई नगरपालिकालाई ६८ रनले हराउँदै धाेबिनी गाउँपालिका विजयी भएकाे हाे ।
टच जितेर बहुदरमाईले फिल्डिङ राेजेपछि सुरुमा बैटिङ गरेकाे धाेबिनीले ४ विकेटकाे नाेक्सानीमा १६ ओभर खेल्दै १५७ रन बनाएकाे थियाे ।
त्यसपछि १५८ रनकाे लक्ष्य पुरा गर्न जवाफी बैटिङमा उत्रेकाे बहुदरमाईले १५ ओभर मै पुरैं विकेटकाे नाेक्सानीमा ८९ रनमा समेटिए पछि धाेविनी विजयी घाेषित भएकाे थियाे ।
साे खेलकाे म्यान अफ द म्याज नट आउटमा अर्ध सतक बनाएका धाेबिनी कै राकेश पटेल भएका थिए ।
यस्तै, आजै भएकाे पहिलाे खेलमा बिन्दवासिनी गाउँपालिकालाई हराउँदै सखुवा प्रसाैनी गाउँपालिका विजयी भएकाे धाेबिनी गाउँपालिकाका याेजना शाखा प्रमुख पप्पु पटेलले जानकारी दिए ।
आइतबारकाे खेलमा धाेबिनी गाउँपालिकाका प्रमुख प्रशासकिय अधिकृत राजु साह, वडा नं. १ का वडाध्यक्ष ललन राउत कुर्मी, कार्यपालिका सदस्य दिपक सर्राफ, याेजना शाखा प्रमुख पप्पु पटेल, इन्जिनियर रविभुषण पटेल, स्वास्थ्य संयाेजक संजय यादव लगायत सयाैं दर्शककाे उपस्थिती रहेकाे थियाे ।
धाेबिनी गाउँपालिकाकाे वडा नं. ३ गुलरियामा जारी टुर्मामेन्टकाे गाउँपालिका अध्यक्ष सुरेश प्रसाद कुर्मी उद्घाटन गरेका थिए ।
यस अघि भएकाे पहिलाे दिनकाे उद्घाटन खेलमा पनि आयाेजक धाेबिनी गाउँपालिका विजयी भएकाे थियाे भने दाेस्राे दिन शनिबार भएकाे पहिलाे खेलमा कालिकामाई गाउँपालिका र दाेस्राे खेलमा बहुदरमाई नगरपालिका विजयी भएकाे थियाे ।
