वीरगंज । पर्सा प्रहरी चाेरीकाे माेटरसाइकलसहित ३ जनालाई पक्राउ गरेकाे छ ।
पक्राउ पर्नेमा वीरगंज महानगरपालिकाकाे वडा नं. १५ निवासी २२ बर्षिय कैलाश महताे, बाराकाे कलैया उपमहानगरपालिका वडा नं. ४ निवासी २२ बर्षिय विनयराज शर्मा र फेटा गाउँपालिका वडा नं. ३ निवासी २० बर्षिय रविन कुमार साह रहेका छन् ।
भारत विहार पश्चिम चम्पारण जिल्ला वेतिया थाना ईनर्वा ग्राम भटकौल सक्रौल वडा नं.९ बस्ने वर्ष ६५ को अरुण कुमार चौरसियाको नाममा दर्ता रहेका BR22AT 9326 नम्बरको Royal Enfield मोटरसाइकल कात्तिक १२ गते चाेरी भएकाे थियाे ।
वीरगञ्ज महानगरपालिकाकाे वडा नं.१६ बाबा होटलको प्यासेज भित्र पार्किङ गरी राखिएको अवस्थाबाट माेटरसाइकल चोरी भएको जानकारी प्राप्त हुनासाथ गरिएको सूचना परिचालन तथा प्रहरी कारवाहीको सिलसिलामा मंगलबार खटिएकाे प्रहरीले साे मोटरसाइकलमा बा.८२ प ६४६० नम्बरको नम्बर प्लेट लगाई चलाइरहेको अवस्थामा फेला पारी चोरीमा संलग्न तिनै जनालाई पक्राउ गरिएकाे जनाएकाे छ ।
जिल्ला प्रहरी कार्यालय पर्साबाट खटिएकाे प्रहरीले वीरगञ्ज महानगरपालिका वडा नं.१६ भानु चोकबाट चाेरीमा सलंग्न तिनै जनालाई नियन्त्रणमा लिई चोरी सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएकाे छ ।
