वीरगंज । वीरगंज पब्लिक कलेजले बिहिबार आयाेजनाकाे गरेकाे कक्षा १२ का विद्यार्थीहरुकाे बिदाई तथा शुभकामना कार्यक्रम सम्पन्न भएकाे छ । हाेटल भिस्वामा भएकाे कार्यक्रमकाे उद्घाटन रेडियाे वीरगंजका कार्यकारी अध्यक्ष ध्रुव साहले गरेका थिए ।
कार्यक्रमलाई सम्बाेधन गर्दै अध्यक्ष साहले जीवन सफल बनाउ मिहनेत र परिश्रम जरुरी रहेकाे वताए । किताबी ज्ञानले मात्र जीवन सफल नहुने बताउँदै अध्यक्ष साहले अतिरिक्त ज्ञान पनि उतिकै जरुरी रहेकाे वताए ।
कार्यक्रमका प्रमुख अतिथी समेत रहेका अध्यक्ष साहले चाहना अनुसार विषय राेजेर अध्ययन गर्नु पर्ने सुझाए । उनले पढेलेखेपछी आफ्नै देशमा स्वरोजगार बनेर सेवा गर्नु पर्ने कुरामा जोड दिए ।
टिभि वीरगंजका अध्यक्ष समेत रहेका साहले कार्यक्रमलाई सम्बाेधन गर्ने क्रममा आफ्नाे जीवनकाे सफलताकाे बारेमा पनि सुनाएका थिए ।
कलेजका प्रबन्ध निर्देशक डा. दिपक शाक्यकाे सभापतित्वमा भएकाे कार्यक्रममा वीरगंज पब्लिक कलेजबाट नै अध्ययन गरेका मेघा बैंक आदर्शनगर शाखाका प्रबन्धक बेलाल अहमदलाई सम्मान समेत गरिएकाे थियाे ।
कार्यक्रममा लुम्बनी इन्सुरेन्स प्रदेश नं. २ का संयाेजक निशान्त लामिक्षाने, एभरेष्ट इन्सुरेन्स वीरगंजका प्रबन्धक मन्दिप प्रधान लगायतकाले शुभकामना मन्तव्य राखेका थिए भने स्वागत मन्तव्य वीरगंज पब्लिक कलेजका सहायक क्याम्पस प्रमुख अरबिन्द श्रेष्ठले गरेका थिए ।
