वीरगंज । पर्साको सखुवाप्रसौनी गाउँपालिकाले चट्याङ लागेर मृत्यु र घाइते भएकाहरुलाई आर्थिक सहयाेग गरेकाे छ । चट्याङ लागेर मृत्यु भएका परिवारलाई रु ५० हजार र घाइतेहरुलाई १० हजारकाे दरले गाउँपालिकाले सहयाेग गरेकाे हाे ।
- Advertisement -
चट्याङ लागेर मृत्यु भएका वडा नं ४ देउरवानाका रघुवीर यादवकी पत्नी मीरादेवी यादवलाई सहयाेग रकम रु ५० हजार बराबरकाे चेक गाउँपालिका अध्यक्ष प्रदीप जयसवालले उनकाे घर मै पुगी हस्तान्तरण गरेका थिए ।
यसैगरी, साेही ठाउँ निवासी घाइते रम्भा देवी, मैना देवी, गीता देवी, विशालकुमार गुप्तालाई उपचारार्थ जनही १० हजारको चेक पीडितको घरमा गएर हस्तान्तरण गरिएको गाउँपालिकाका लेखापाल सुमन साहले वताए ।
