वीरगंज । पर्साका ८ जनासहित थप २० जनामा कोरोना भाईरस संक्रमण पुष्टि भएको छ ।
वीरगंजस्थित नारायणी अस्पतालको प्रयोगशालामा मंगलबार १९२ जनाको आरटी पिसिआर विधिबाट स्वाबको नमुना परिक्षण गर्दा २० जनामा कोरोनाको संक्रमण देखिएको अस्पतालका कोभिड फोकल पर्सन डा. सरोज रोशन दासले बताए ।
संक्रमित हुनेहरुमा पर्साका ८ जना, बाराका ६ जना, रौतहटका ५ जना र सप्तरीका एक रहेको उनले जानकारी दिए । संक्रमित हुनेमा ८ जना महिला र १२ जना पुरुष रहेका छन् ।
संक्रमितहरु २४ वर्षदेखी ७० वर्ष उमेर समूहका रहेका छन् । उनीहरुको सिटि भ्यालु १७.८ देखि ३५.९ सम्म रहेको छ ।
