वीरगंज । नारायणी अस्पताल वीरगंजमा उपचाररत दुई जना कोरोना संक्रमितको मृत्यु भएको छ ।
नारायणी अस्पतालमा उपचाररत वीरगंज महानगरपालिकाको वडा नं. १४ ओम आश्रम निवासी ४० बर्षिय पुरुष संक्रमितको मृत्यु भएको अस्पतालका कोभिड संयोजक डा. उदय नारायण सिंहले बताए ।
जेठ १४ गते पिसिआर पोजिटिभ देखिएको पुरुषलाई जेठ १७ गते नारायणी अस्पतामा भर्ना गरिएको थियो भने उनको उपचारको क्रममा सोमबार राती १० बजे मृत्यु भएको डा. सिंहले जानकारी दिए ।
गम्भिर किसिमको निमुनिया लगायतको स्वास्थ्य समस्या उनमा देखिएको थियो ।
यस्तै, नारायाणी अस्पतालमै उपचाररत बाराको कोल्भि नगरपालिका निवासी ५० बर्षिय पुरुष संक्रमितको पनि मृत्यु भएको छ ।
जेठ ६ गते कारोना पोजिटिभ भएका पुरुषलाई जेठ १५ गते नारायणी अस्पतालमा भर्ना गरिएको थियो भने उनको उपचारको क्रममा मंगलबार मृत्यु भएको हो ।
