वीरगंज । रोट-याक्ट क्लब अफ वीरगंज मेट्रोपोलीसले अग्रपंक्तिमा खटिएका सुरक्षाकर्मीलाई खाजा र पानी वितरण गरेको छ ।
कोरोना भाइरसको महामारीमा जनताको सुरक्षाका लागि अग्रपंक्तिमा खटिने सुरक्षाकर्मीहरुलाई सम्मानस्वरुप खाजा र पानी वितरण गरिएको क्लबले जनाएको छ ।
वीरगञ्जको घण्टाघर, बसपार्क, माइस्थान, गण्डक, पावरहाउस, रामगढवा लगायतका क्षेत्रमा गएर खाजा र पानी वितरण गरिएको क्लबका सह सचिब दिपु वर्णवालले बताए ।
यसअघि निषेधाज्ञाका कारण प्रभावितहरुलाई राहतसमेत वितरण गरीरहेको क्लबले सुरक्षाकर्मीहरुलाई पनि खाजा र पानी वितरण थालेको जोन १३ का जेटआरआर प्रकाश कर्णले बताए ।
उक्त काममा क्लबका कम्युनिटी सर्भिस डाइरेक्टर निश्चल प्रजापती, क्लबका सदस्य रोहित गुप्ता लगायतले सहयोग गरिरहेका छन् ।
